91歲資深演員周驄入行逾60年，當年係粵語片當紅小生，後來90年代周驄加入TVB拍劇，開展另一段演戲生涯，演和藹可親嘅爺爺形象，深入觀眾心，佢於2020年淡出幕前工作，閒時相約老友羅蘭、胡楓及張國強等食飯見面。

91歲周驄叔與88歲羅蘭姐面色紅潤。
日前張國強喺微博貼出合照，原來佢同羅蘭及周驄飲茶，見91歲周驄叔與88歲羅蘭姐面色紅潤，精神奕奕，由繁忙嘅工作生活過渡到退休生活，閒時與好友們敘舊，寫意優閒！

90年代周驄加入TVB拍劇，開展另一段演戲生涯。

周驄從影多年演技精湛，於2016年獲得「萬千光輝演藝人大獎」，周驄毅然決定減少幕前工作，陪伴在患病妻子身邊；周驄與太太育有４名子女，妻子早年飽受坐骨神經痛困擾，後來不幸患癌，周驄一直細心照顧愛妻，陪伴愛妻度過最後時光，周驄於2021年客串演出電影《殺出個黃昏》，佢曾接受「賽馬會安寧頌」計劃訪問，講述自己人生篇章，周驄坦言對生死十分豁達，才能活在當下，周驄坦言：「我拍戲拍了60年，好像已死過好多次，死亡是最公平的，無論你是富或貧，人人都要面對，你不去說死亡，不等於它不會降臨。」

周驄曾接受「賽馬會安寧頌」計劃訪問，講述自己人生篇章，坦言對生死十分豁達。直至疫情放緩，周驄多咗與朋友相聚。

有指周驄亦向朋友講過唔再接新戲，的確與年齡有關，怕萬一突發情況，連累整個劇組，寧願生活安樂，喺疫情嚴峻時在家睇書、睇電視打發時間，仔女有請傭人幫忙，直至疫情放緩，周驄多咗與朋友相聚。
周驄、著名編導傅月美、白茵、黃文慧、著名編導施揚平先生

經歷疫情肆虐後，香港演藝人協會事隔３年、日前再次舉辦春茗茶聚，吸引過百會員踴躍出席，包括羅蘭、余慕蓮、馮素波、黃夏蕙、丁羽、邵音音、張雷及江圖等，場面墟冚。協會即場宣佈由今屆春茗開始，增設頒發傑出演藝大獎環節，表揚過去多年來為演藝界付出寶貴青春、貢獻良多嘅前輩藝人，余慕蓮、江圖及黎宣榮膺首屆得獎者，余慕蓮上台領獎時喜極而泣，邊嗚咽邊感激會長古天樂對他們的照顧，場面感人。

香港演藝人協會事隔３年、日前再次舉辦春茗茶聚，吸引過百會員踴躍出席。

黎宣罕有露面
演藝人協會於春茗茶聚增設頒發傑出演藝大獎環節，為隆重其事，會長古天樂親臨現場頒獎給前輩藝人，得獎者之一、現年92歲嘅黎宣則獲副會長余安安將獎項送到府上，久未露面嘅黎宣喺鏡頭前眼仔睩睩，十分精靈，表示對得獎感到開心。

92歲嘅黎宣則獲副會長余安安將獎項送到府上。久未露面嘅黎宣喺鏡頭前眼仔睩睩，十分精靈。
喺茶聚席間嘅兩位得獎前輩余慕蓮及江圖則親手接過古天樂頒發獎座，當中余慕蓮領獎時表現激動感觸落淚，佢哽咽表示：「多謝多謝，今日好開心見到咁多老友記，已經幾年冇見，多謝主席（古天樂）照顧我哋成班，繼續搞多啲活動。」余慕蓮坦言從影數十年來從未得過任何獎項，讓佢驚喜萬分：「好感動有人畀獎我，諗住呢世都唔會有獎，以前走勻五台山，啲人叫我『五台蓮』，但係都未有一個獎，我自己安慰自己話屋企細冇地方放，今日好驚喜演藝路上得到獎，我會將呢個獎座放喺廳。」

余慕蓮領獎時表現激動感觸落淚。

余慕蓮行公園鍛練肌肉
余慕蓮喺2020年患上肺纖維化，一度喺深切治療部留醫，出院後積極休養，雖然走路時要用步行架輔助，但喺整個茶聚精神不俗且對答如流，余慕蓮指：「好多人入ICU都未必出得番嚟，所以我好感恩，醫生話冇得醫，只可以每年打兩次標靶藥，唔好畀佢翻發，一翻發就拜拜，但我唔驚，每個人都要死，最緊要瞓瞓吓去，唔好辛苦，唔好入醫院，之前喺醫院瞓嗰半年真係好辛苦；而家我一早就叫姐姐陪我去行公園，醫生叫我行多啲，如果唔係會肌肉收縮，行完公園就去麥花臣踩吓單車機。」

古天樂、余安安、錢嘉樂與馮素波、張雷、江圖、丁羽、羅蘭、余慕蓮余安安、江圖、古天樂、錢嘉樂

江圖盼有機會過戲癮
另一位得獎前輩江圖對得獎亦深感高興，他表示：「好鍾意做戲，將來仲可以叫我演出，我之前喺《叔叔》戲份雖然少，但好開心，希望再有機會做戲，我未係老到行唔到，仲可以同觀眾見面。」

另一位得獎前輩江圖對得獎亦深感高興，早前佢參與電影《叔叔》演出。
古天樂自2018年上任香港演藝人協會會長後，一直致力維護演藝人權益，疫情期間又發起「香港電影工作者疫境支援計劃」，向基層電影工作者發放援助金；經歷三年的抗疫，會長古天樂於今年拍板復辦春茗茶聚，席上除咗向會員派發由佢與曾志偉預先安排嘅利是及福袋，余安安、成龍、劉嘉玲與前副會長張敬軒亦捐出獎金獎品作抽獎之用，令席上會員滿載而歸。
古天樂與曾志偉預先安排嘅利是及福袋，余安安、成龍、劉嘉玲與前副會長張敬軒亦捐出獎金獎品作抽獎之用。關偉倫（下右一）、黃夏蕙（下右二）、徐寶鳳（下右三）

余安安、錢嘉樂與黃美棋、鍾健威等一眾藝人鄭文、余安安、古天樂、錢嘉樂、雷深如、咸蛋