許志安與老婆鄭秀文（Sammi）日前與朋友Faye慶祝生日，去咗一間日式餐廳歎美食飲Sake (日本酒)，Sammi本身勁鍾意食嘢，見佢大啖食，笑得好開心，對腰果眼出晒嚟，就知道Sammi非常享受。

Sammi本身勁鍾意食嘢，見佢大啖食，又歎Sake，非常開心！Faye曾經為許志安擔任形象指導，所以佢同安仔、Sammi幾老友，佢仲喺IG分別貼咗合照，指與更像姐妹嘅好友一齊慶祝生日，非常感謝佢哋給予愛、歡笑及無盡支持，令佢嘅生日更加難忘，相中見身穿西裝外套嘅安仔，與同樣身穿西裝外套嘅Sammi情侶裝襯到絕，不過安仔身形似乎比之前圓潤咗，更加精神奕奕！

許志安與老婆鄭秀文日前與朋友Faye慶祝生日。

安仔同Sammi於2019年經歷「安心事件」後，安仔事業跌落谷底，更一度停工，去年安仔宣佈簽約環球，重新出發，雖然安仔事業仍未見有起色，不過Sammi經常公開為對方打氣 ，今年Sammi憑電影《流水落花》連奪多個電影獎項，狀態大勇，成為今屆金像影后大熱，過去Sammi曾6度入圍香港電影金像獎，多次失落影后殊榮，未知今屆安仔會唔會陪老婆Sammi現身金像獎頒獎禮呢！？
Sammi開心晒當晚嘅美食照，看來相當回味!Sammi當日更一個人去咗食刨冰，果然係「為食Mi」。

鄭秀文及張繼聰呢日現身香港電影評論學會頒獎典禮，鄭秀文相隔十幾年再獲頒影后殊榮，表示心情興奮又感恩，作為演員係一個鼓勵，亦係一個肯定，鄭秀文覺得走在演員呢條路上冇白費到付出嘅努力，覺得終於被看見、被發現、被肯定。

鄭秀文最近推出新歌《愛是…2.0》邀請「好青年荼毒室」嘅哲學生填詞，佢好享受與年輕一輩聯乘合作，今年鄭秀文將投放較多時間在音樂上，準備演唱會兼推出新碟。

張繼聰今次奪得影帝，獲得仔女稱讚，而佢期待老婆謝安琪投以崇拜目光，頒獎禮最受注目就係張婉婷執導嘅紀錄片《給十九歲的我》早前公映後，發生嚴重風波而停映，校方宣佈退選香港金像獎最佳電影，但呢日《給十九歲的我》獲香港電影評論學會頒最佳電影，由監製黃慧及聯合導演郭偉倫領獎，雖然二人不受訪，不過佢哋表示問心無愧，冇強迫學生拍攝。

會長鄭政恆解釋《給十九歲的我》在爭議下得獎原因：「喺1月15號經過9小時討論，大比數會員覺得要頒呢個最佳電影獎給《給十九歲的我》，1月15號係未發生後來關於公映上嘅風波，當時冇呢個背景下，決定頒畀《給十九歲的我》，就電影成品、社會同藝術意義而頒畀佢。」