經典電影系列《侏羅紀公園》（Jurassic Park），飾演亞倫博士嘅紐西蘭男星Sam Neill，有傳佢罹患淋巴癌第三期。

《侏羅紀公園》（Jurassic Park）飾演亞倫博士嘅紐西蘭男星Sam Neill

外媒稱Sam Neill最近發表回憶錄《Did I Ever Tell You This?》，當中第一章自揭去年宣傳《侏羅紀世界：統治霸權》，首度出現淋巴結腫大，其後被診斷出血管免疫芽細胞性T細胞淋巴瘤（AITL），罹患淋巴癌第三期，Sam Neill經過化療癌細胞已消失，之後每月仍須服用新嘅化療藥物避免復發，坦言面對抗癌過程係「黑暗時刻」。

消息傳開後，不少世界各地fans表示擔心，噚日Sam Neill喺IG上載影片，對於自己患病嘅消息被鋪天蓋地流傳，讓佢覺得有啲厭煩，佢跟fans報平安稱就如大家所見「I’m alive and kicking and I’m going to work （我還活著，而且我要去工作了）」，Sam Neill好高興可以重投工作，而且佢將於７日後與女星Annette Bening開始拍攝新片，佢指整個演員陣容非常棒，佢希望唔好再寫「that thing（那件事）」，Sam Neill解釋寫書講到「Did I Ever Tell You This（我有沒有告訴過你這個）」，佢確實提到有關癌症，當時佢正在接受治療，平時慣咗返工，當突然唔可以返工時，佢就寫咗呢本書，大家似乎好喜歡呢本書，而副標題係「Movies , Life , Love and Other Catastrophes」，佢希望大家透過呢本書了解發生喺佢身上嘅所有瘋狂事，佢笑言之前從冇諗過從事演員職業，回顧這一生佢充滿感激。
Sam Neill好高興可以重投工作，將於７日後與女星Annette Bening開始拍攝新片。

不少fans見到Sam Neill拍片報平安，有fans表示一聽到消息起初讓佢哋震驚，當知道佢一切安好，感覺鬆咗一口氣，希望一切都變得更好，另有fans分享其父患癌時不願外出，因為別人會不斷地問，唔想見別人眼中嘅憐憫及關心，呢位fans好明白Sam Neill嘅心情，亦好高興聽到Sam Neill嘅病情好轉。