張振朗與港姐現身慈善晚宴 盼有機會再為劇集獻唱

早前前因為拍攝新劇時被現場燈具所傷，搞到眉骨位置愛傷要縫針嘅 張振朗 ，呢日同應屆幾位香港小姐等嘉賓，一齊現身一個慈善晚宴，傷口位置依然貼住膠布嘅Owen，呢日就話其實已經冇大礙，仲話早已經繼續拍攝，亦都對演出完全冇影響呀。

呢晚Owen擔任嘉賓之餘，亦都為慈善上台獻唱，久未出現大型表演嘅佢，就話心情緊張，仲反覆聽要獻唱嘅歌嚟記熟歌詞呀。佢又提到希望再有機會為自己演出嘅劇集獻唱歌曲，不過當年唱完《堅離地愛堅離地》嘅主題曲《差一些》之後，就暫時未再有新機會，仲懷疑係自己出咗喺自己身上呀。

而參選至今已經大半年嘅應屆港姐 林鈺洧 梁超怡 許子萱 同 邢慧敏，經常都一齊出席活動， 呢日佢哋就話因為咁「日久生情」越嚟越老友，仲不時會約會一齊行街食飯，亦更加了解大家喇。