鄭欣宜 一連三場紅館演唱會圓滿結束,最後一場為咗自己獨佔舞台冇請嘉賓嘅佢,全場又唱又跳為Fans表演,又同台下歌迷大合唱《女神》,就算完場之後大家都唔捨得走,Joyce仲多次重返舞台為大家Encore,之後以《愛.回家》嘅《擁抱愛》同清唱《給最開心的人》為表演畫上句號。訪問時講明唔夠喉嘅佢,又提到希望有機會可以再加場,更加想巡迴世界各地演出,但係就同時擔心思鄉病,真係十五十六都唔知點算好喇。