日前喺香港正式宴請親友舉辦婚禮嘅 吳業坤 同太太 浜口愛子 ,依然沉浸喺新婚喜悅當中,呢幾日佢哋持續Post出之前未公開嘅系列婚照,亦都繼續再次多謝親友同各界對佢哋嘅祝賀呀。佢哋日前公開咗喺中西區一帶;以電車同香港知名摩天大廈作背景嘅婚照,坤嫂仲不經意展示驕人身材,亦都以日文留言講到,非常多謝大家給予力量同出席婚禮呀。而坤哥亦都提到太太非常鍾意香港生活帶俾佢嘅感覺,仲對連日以婚照洗版覺得唔好意思咁話呀。