健康必殺食丨最後三集內容 黃美棋自爆要派帽 江嘉敏練定視后得獎感言

健康必殺食丨最後三集內容 黃美棋自爆要派帽 江嘉敏練定視后得獎感言

提起開心食物你會諗起啲咩?20號晚播出嘅《健康必殺食》,陸浩明同鄭衍峰就會介紹畀大家!先由6號同嘉賓主持趙希洛、Jumbo曾淑雅、 黃美棋一齊去蜂場學採蜂蜜,美棋 BB對蜜蜂採完花蜜識路自己飛返蜂箱而大感驚訝,6號即寸嘴表示:「你估係你咩?要 GPS先返到屋企!」之後美棋BB竟然喺鏡頭面前大嗌「我要派帽」,當大家震驚緊嘅時候,佢解釋係去蜂箱採蜜前,要事先戴上網帽同手套嚟防被蜜蜂針。
美棋BB突然話要派帽?!好多蜜蜂。
明明蜂蜜應該係甜㗎嘛,但點解當主持們即場試食時,Jumbo竟然覺得「苦苦哋」?原來一切都同佢身體狀況有關,想知原因就要留意20號晚嘅《健康必殺食》!
Jumbo竟然覺得啲蜜糖水「苦苦哋」?
介紹完開心食物,第八集就為大家介紹「重口味食物」,三位嘉賓主持林凱恩、波波黃婧靈同戴祖儀仲大玩角色扮演遊戲,分別扮成「育英BB」、「如來神波」同「我係帶組儀」嚟搵重口味食材。由於波波天生細粒,所以孭起超巨型「裝備」時即顯得相當滑稽。之後波波同Leonard 即場挑戰食納豆,佢哋食到面容扭曲擰晒頭,之後型仔大廚Oreo湛錦鈿用咗啲神秘食材嚟煮納豆,炮製出嚟嘅三文魚五穀納豆蛋炒飯,竟然「納味全消」,相當神奇!
Leonard 痛苦表情高清照。
突然cosplay玩啲咩?波波勇氣可加!
最後一集嘅主題係「辛辣食物」,嘉賓主持江嘉敏被分派同Leonard一組,而另一嘉賓主拎波波就同6號組成「6號波」玩遊戲,佢哋要估6號同江嘉敏之中,「誰人才是真正吃中辣椒者」。 結果「中椒」嘅江嘉敏一度刺激到眼泛淚光,但搞鬼嘅佢竟乘機扮起「視后」發表得獎感言:「多謝 TVB,多謝監製。」而波波亦豁出去大啖試新鮮山葵,可惜最終招架唔住辣到喪咳。之後陳國強炮製芥菜胡椒排骨煲時,要波波幫手睇火,以為自己應付自如嘅波波初頭係威係勢,點知轉頭就出現蝦碌畫面,佢誤拎細size嘅蓋冚喺大鑊上,全程又雞手鴨腳,連波波自己都哭笑不得。

 《健康必殺食》星期一 至 三 22:30 翡翠台 最後三集

麥明詩盛勁為舉辦婚宴 林作媽媽現身送祝福

麥明詩同盛勁為喺3月24號擺酒舉行婚宴,獲馮盈盈、鄭衍峰、同麥大力擔任兄弟姊妹團,一對新人甜蜜咀嘴,幸福滿瀉,Louisa喺結婚過程中多次開心到喊,好多朋友更祝福佢哋早生貴子,佢哋都話有呢個計劃,仲話會趁婚假養精蓄銳為生BB做足準備。

而呢晚劉佩玥、吳業坤、江美儀、陳庭欣、戴祖儀、郭子豪、鄧卓殷、丁子朗、洪永城、唐詩詠、黃德斌、翁嘉穗同老公都有到賀,但最驚喜嘅莫過於係Louisa舊愛林作嘅媽媽王莉妮現身,原來佢係以Louisa契媽身份送上祝賀,佢更大讚盛勁為好靚仔好型,自己個仔完全比下去,林媽媽仲話覺得好可惜,之前一直好想阿仔箍煲,最終事與願違。不過林媽媽阿仔都有託佢向Louisa送上祝福。

林作同裕美日前post出結婚相,問到林媽媽囝囝係咪都好事近?林媽媽竟然話林作影婚照係因為受到刺激,仲話自己安慰阿仔叫佢睇開啲,至於講到會畀裕美呢個準新抱幾多分?林媽媽似有難言之隱,只係話佢合格咋。

盈盈見證住好姊妹Louisa覓得真愛都好戥對方開心,佢仲話喺一對新人之間嘅互動,已經感受到佢哋係有幾恩愛,佢仲大讚兩人係最佳拍檔。至於兄弟之一嘅麥大力,之前喺美國滑雪傷腳,雖然仲要撐住拐杖,但大力都堅持上陣,認真唔話得,而Leonard就分享咗兩人相處嘅小趣事。

而啱啱再榮升做爸爸嘅洪永城,就再次同大家分享喜悅,佢仲話細女似媽咪多啲,而大女見到妹妹都好開心,仲鍚咗妹妹一啖添。

 相關推薦

熱門搜尋