助手護主心切猛力推撞傳 混亂場面嚇呆避談婚事嘅何超蓮

何超蓮與男友竇驍早前被爆4月將於峇里舉行婚禮，不過日前有攝影師喺網上分享喺三亞婚禮幫一位新娘影嘅背影照，由於相中人背影跟何超蓮幾似，網民揣測二人已於三亞結婚，超蓮呢日現身中環出席品牌活動。

完成所有儀式後，超蓮按大會指示離場，一向大方高調分享戀情嘅超蓮，忽然對感情事守口如瓶，又多次故作神秘避談婚事，作風大轉變，而現場傳媒向超蓮求證已婚傳聞，超蓮助手頓時變得好緊張，超蓮接著講：「有消息會同大家講。」超蓮助手再次猛力推撞傳媒，場面一度混亂，超蓮先叫助手離開，表示冇事要宣佈，問到係咪籌備結婚，佢只係多謝大家等咗咁耐，再次重覆回答，面色有啲唔耐煩。