StarTalk丨ITZY向初學者派貼士教簡單舞蹈 Ending Fairy各展魅力

StarTalk丨ITZY向初學者派貼士教簡單舞蹈 Ending Fairy各展魅力

韓國女團ITZY成員禮志、Lia、留眞、彩領及有娜 作客《StarTalk》接受 鞏姿希  訪問,佢哋初次來港開騷,最期待睇夜景品嚐美食,佢哋抽咗少少時間坐觀光巴士兜風,而有娜最想食蛋撻、Lia最鍾意食粥、留真想食叉燒及點心等。

ITZY有多首人氣歌曲,佢哋覺得《WANNABE》、《Not Shy》及《LOCO》應該係歌迷嘅心水之選,ITZY啲舞蹈出名難跳,成員更即場示範招牌舞蹈動作,向初學者派貼士教簡單招式,早前佢哋挑戰唱中文版《Trust Me》,希望傳遞畀fans滿滿嘅心意,Lia反而覺得發音好動聽,錄製過程都好開心。

ITZY成員直到4月都有巡演,佢哋希望盡快為「MIDZY」粉絲們帶來新專輯及新形象,ITZY亦即場大玩Ending Fairy各展魅力。

StarTalk一氣呵成版|李英愛曾夢想參演《無間道》 氣質女神自爆私下係虎媽

當年因為《大長今》而紅遍全球;被韓國Fans冠以「氧氣女神」稱號嘅女星 李英愛 ,早前應邀來港出席亞洲電影大獎頒獎禮,亦接受咗 王鎮泉 嘅《StarTalk》專訪,仲記得10年前來港時,亦係由泉叔同佢做專訪。

早喺電影《JSA》扮演軍官同 李秉憲 宋康昊 合作演出已為香港觀眾眼前一亮嘅李英愛,雖然結婚誕下一子一女後減少幕前工作,不過依舊氣質動人非常優雅。已經近5年未有訪港嘅佢,可惜因為仍有拍攝工作而未能久留,仲話非常渴望可以一家人一齊品嘗地道點心呀。

獲頒卓越亞洲電影人大獎嘅愛姐,指獲頒咁有份量嘅獎絕對係始料不及,對亞洲各地觀眾依然記得自己非常高興,自己同老公都非常開心,仲爆老公因為咁而周圍曬命,非常可愛呀。

難得來港參與電影屆盛事,同大量各界電影人見面,而愛姐原來就曾幻想可以參與演出《無間道》,同 梁朝偉 仲有少女時代曾合作拍攝廣告嘅 劉德華 再次合作。愛姐仲認為兩位男神多年來都係唔少人嘅偶像,亦係自己繼續學習同努力嘅學習對像咁話。

外傳愛姐將再次演出新劇《醫女大長今》,而佢為全世界所知亦係因為長今一角,愛姐就話覺得《大長今》唔止係一部電視劇,而更似代表韓國嘅一位外交官一樣,向世界各地宣揚韓國傳統,自己有份擔綱演出係人生中非常幸運嘅一件事,相信唔會再有更好嘅機會出現喺生命之中呀。

至於係咪會參與新劇演出,愛姐就未置可否亦未正面回應,只係話希望可以等待好嘅作品同角色出現喇。作為兩位青春期少年嘅媽媽,愛姐亦坦言婚後一度將重心放喺家庭,不過隨住小朋友成長,目前就可以再專心為演戲而投入工作喇。

講到家庭,愛姐雖然一直俾人非常溫柔嫻淑嘅感覺,但係一提到照顧龍鳳胎子女,亦不禁嘆一口氣話非常辛苦,仲笑言要借開工逃避一下,更指自己同一般媽媽一樣會發嬲噴火,非常真性情。

年逾53嘅佢又同大家分享自己嘅保養心得,佢認為對飲食有嚴格要求同保持正面係長保年青健康嘅重要手法呀。

 相關推薦

熱門搜尋