任達華68歲生日獲送驚喜苦練整霓虹燈牌多次爆玻璃好牙煙

娛樂新聞

2023-03-21 15:30

3月19號68歲生日嘅任達華，呢日出席新片宣傳活動，獲電影拍檔送上生日驚喜，佢指生日最緊要係同太太琦琦與女兒任晴佳（Ella）團團圓圓一家人食餐飯。

任達華今次為咗支持新導演，除咗零片酬接拍，不惜喺疫情期間就算要隔離多日，任達華依然堅持回港完成拍攝，任達華一向熱愛藝術，因拍攝關係花咗一星期學習製作霓虹燈牌，任達華喺學習嗰陣最難係用光管整字型筆劃嘅轉彎位，坦言試整時爆咗好多次玻璃，佢亦希望呢門傳統工藝得以傳承。

林明禎青春性感現身代言生日收Lisa簽名喜上眉梢

娛樂新聞

2023-06-07 15:30

夏日熱辣辣，連天文台今年都加設極端酷熱天氣提示，而唔少女士都紛紛以清涼打扮外出，好似呢日林明禎就以露背小背心加一條短裙仔現身活動，唔知在場男士見到會唔會覺得熱上加熱呢？

為飲品店現身嘅明禎啱啱度過33歲生日，慶祝活動未停過，不過呢日依然Fit到爆，呢日佢仲話今年收到最愛嘅BLACKPINK成員Lisa親筆簽名作為禮物，呢日佢講起都感覺到佢非常開心呀。

明禎大小活動同唔同代言都成日現身，所以呢日佢就話連瞓覺都唔夠，所以都唔使話旨意有拖拍喇。雖然近年佢專注唔同電影同廣告工作，不過以歌手身份出道嘅佢，就話希望可以三棲發展，仲話會安排返台北錄音造新歌呀。

年初已經租屋嘅明禎，又話雖然有安樂窩，不過就始終嫌地方唔夠大，所以會繼續努力工作，希望可以早日買到背山面海嘅大屋咁話呀。