應品牌邀請重編《誅神的黃昏》 王菀之Serrini化身神靈爭權力財富

有著名本地珠寶品牌同藝術博物館合作,去年開設全球首家博物館x珠寶概念店。近日展開嘅一周年慶祝活動,仲邀請 王菀之 同 Serrini 為歌曲《誅神的黃昏》創作充滿藝術詩意嘅改編的音樂影片。

Ivana同Serrini都係香港近年極具藝術氣質嘅唱作歌手,今次兩位音樂才女相遇合作,品牌特別邀請佢哋合作,將去年年尾推出嘅合唱歌曲、由Ivana重新改編製作全新版本,又喺珠寶概念店拍攝呢段音樂影片。

Ivana同Serrin分別以黑色同粉色高貴晚裝現身,飾演兩個派別嘅神靈,爭奪代表「權力」嘅鑰匙同代表「財富」嘅戒指。Ivana仲話呢次合作非常有趣:「我一向好奇心滿分,今次可以再同Serrini合作,有幸能夠為珠寶品牌同博物館聯乘主題概念店一周年進行創作,令我非常興奮,仲俾到無限嘅創作空間,造就今次音樂影片嘅兩大權力鬥爭。」

Ivana又喺創作中首次加入英文詩句,佢話:「希望俾到大家嶄新感覺,等大家以另一角度欣賞經典藝術。其實我同博物館都幾有淵源,因為我曾經喺博物館跟繪畫老師學寫生,所以大家可以稱呼我為博物館嘅『活收藏品』之一!」

Ivana應品牌邀請重編歌曲,仲搞笑話自己係活收藏品呀Ivana應品牌邀請重編歌曲,仲搞笑話自己係活收藏品呀

而近年人氣急升嘅獨立唱作人Serrini,就指今次合作非常有火花喇:「我創作風格偏向個人同注重內心感受,而Ivana樂天性格加上天馬行空嘅創意,令我哋嘅合作產生咗唔同嘅火花!我一向好鍾意寫詩攞靈感,今次音樂影片中加入詩句非常適合我,仲令《誅神的黃昏》感覺更昇華。」

身為博士嘅Serrini,就指自己一向都有寫詩嘅習慣,仲希望有機會可以成為博物館館藏呀身為博士嘅Serrini,就指自己一向都有寫詩嘅習慣,仲希望有機會可以成為博物館館藏呀

Serrini仲話自己成日都會作詩舒發唔同情感,希望博物館亦可考慮收輯佢嘅個人詩句,逆向將香港同中華文化帶到博物館,同Ivana一同成為流動「活收藏品」咁話喎!

鑽石山兇案|林作疑被保險公司解約 抽水指有同款鞋拍賣惹眾怒

近日喺鑽石山發生兇案之後,當日片段圖片瘋傳,社會對慘劇都高度關注,自稱為香港抽水王嘅 林作 隨即出Post指自己有嫌犯同款跑鞋出售,不過呢次唔少人就認為佢太過火。雖然之後佢已瞬即將相關Post刪除,但係又連日多次出Post指出自己呃Like抽水「沒有任何事情是不應該被用來開玩笑的」,引起網上一片討伐。

事後林作指「堅決不為我的言論道歉」,不過星期日中午,林作任職嘅保險公司,就罕有於允許於社交平台出Post,指有理財顧問就社會悲劇作出不當言論及行為,故已終止合約。

簡短聲明又指公司內有清晰社交媒體指引,故個人言論並不代表保險公司立場。而公司內部亦有消息指,涉及被終止合約者為林作。

 相關推薦