王鎮泉 Jeoffrey   每星期為你提供最熱辣電影資訊，中外猛片專訪花絮上映時間全部集齊。「電影泉攻略」每周四買定爆谷陪你睇新戲。

《閃電俠》男星Ezra Miller早年是非不斷，令呢部超英電影一度傳出會腰斷或者易角，但隨住官方釋出最新預告片，大家嘅疑慮就全消。呢部戲除咁獲得公司高層James Gunn大讚外，有傳獲電影公司送片去屋企先睹為快嘅Tom Cruise睇完都非常鍾意。

呢個禮拜嘅新片速遞有《殺神John Wick4》，緊接些集墮樓劇情，今集講John Wick畀新嘅殺手集團話事人落江湖追殺令，連佢嘅昔日戰友、甄子丹飾演嘅盲人刺客都加入追殺行列。《LOVE LIFE》講述一對恩愛小夫妻，因為幼子意外而改變，正當太太頓失方向時重遇前夫，更加令佢陷入婚姻危機。2013年伊斯蘭極端組織控制咗伊拉克同敘利亞地區後壓迫當地居民，除咗對違反戒律嘅人處以極刑，同時亦禁止一切音樂、文化創意與娛樂，而根據呢個真實事件改編嘅電影《戰地孤聲》，就無講述一個20幾歲嘅鋼琴家喺當地追夢嘅過程。《微笑與夏溫》係翻拍電影《七月與安生》，講兩個性格折然不同嘅知己，遇上醫科男生而遇到唔同嘅際遇。

揚威國際影壇嘅楊紫瓊同關繼威，觀眾將會喺串流平台嘅新劇見到佢哋再次合體演出，當中仲有吳彥祖同新加坡演員黃經漢演出。

王鎮泉 Jeoffrey 每星期為你提供最熱辣電影資訊，中外猛片專訪花絮上映時間全部集齊。「電影泉攻略」每周四買定爆谷陪你睇新戲。

雖然泉叔去咗新加坡，但佢仍然為大家搜羅各大電影消息！DC今年嘅大作《閃電俠》雖然仲未上映，但係已經大獲好評，喺最新釋出嘅幕後花絮入面，閃電俠仲穿越時空去咗個正義聯盟唔存在嘅世界，搵蝙蝠俠出山，當中最震撼嘅莫過於入面搵返1989年版本嘅Michael Keaton嚟演，Michael見到蝙蝠俠個場景，感動到忍唔住影低send畀當時嘅導演添布頓。

呢個星期嘅新片速遞有《蜘蛛俠：飛躍蜘蛛宇宙》，講述蜘蛛仔畀神秘力量帶入充滿各式各樣超級英雄嘅多元宇宙，蜘蛛仔仲被逼同佢哋展開大對決。《凶門惡煞》高中女生經歷喪母之痛，同身為心理治療師嘅爸爸終日喺悲傷中渡過，但某天治療師嘅病人闖入屋兼離奇慘死家中，從此充恐怖事不斷。《配樂大師：ENNIO》訪問一代電影配樂傳奇摩利哥尼，講佢傳奇嘅一生。《犯罪都市：鐵拳掃毒》馬東石飾演嘅「怪物刑警」為追捕新型毒品罪，展開韓國最大跨國毒網掃蕩行動，以拳頭當子彈嘅佢，誓死要將毒販一嘢KO。

同大家率先睇完《變形金剛：狂獸崛起》嘅幕後花絮後，再同大家睇埋本周票房龍虎榜，第三位係《銀河守護隊3》、第二位係《小魚仙》、第一位就係《狂野時速10》。