4月1日係張國榮（哥哥）逝世20周年嘅日子，「要記得永遠都會記得」，哥哥張國榮（Leslie ）喺電影《阿飛正傳》嘅經典對白，哥迷對哥哥嘅懷念，永遠唔會被時間磨滅，哥哥在大眾記憶中係永恆不變，哥迷均自發舉辦不同嘅紀念活動。

Red Mission繼續張國榮歌影迷國際聯盟今年以《Timeless Leslie》為主題，喺4月1號（星期六）下午6點至7點半於尖沙咀香港文化中心露天廣場，舉辦20周年紀念晚會，樓梯座位有限，入場以先到先得形式。
Red Mission繼續張國榮歌影迷國際聯盟今年以《Timeless Leslie》為主題。

張國榮20周年紀念晚會免費開放予公眾參與。

Red Mission今年用「Timeless 」作為張國榮20周年紀念晚會主題，希望市民可以參與，活動免費開放予公眾參與，活動當晚將會以LED螢幕播放哥哥昔日精彩演出片段，如哥哥喺2000年參與《拉闊音樂會》，以及環球唱片公司提供嘅優質畫面片段，在當晚會首播從未曝光嘅哥哥版《A song for you》 MV，MV更由Red Mission製作，藉以向哥哥致敬，四出搜尋珍貴片段，希望喺哥哥喜歡維港夜景襯托下，讓大眾一齊懷念哥哥。

此外，尖沙咀亦有另一個紀念哥哥嘅活動則由3位資深哥迷「Chou Brothers」舉辦《Saulte Leslie哥哥與我們的光影回憶圖片珍藏展》，位於重慶站購物商場2樓，由2023年3月27號至4月10號於中午12點至下午7點舉行，將展出3位資深哥迷由八十年代開始到2000年拍攝張國榮Leslie珍貴相片及創作，可見哥迷對Leslie嘅濃濃愛意永不退散！
資深哥迷「Chou Brothers」舉辦《哥哥與我們的光影回憶圖片珍藏展》。

星期六晚播出嘅一集《馬時亨 香港情》主題係「音樂情懷」，除咗邀請縱橫樂壇半世紀嘅 譚詠麟 擔任嘉賓，還加埋有「民歌王子」之稱嘅 區瑞強 擔任客席主持。被稱為樂壇校長嘅阿倫，節目中勸勉後輩「千祈唔好怕蝕底，能夠喺台度亮一亮相都係好」，隨即被Albert大爆當年 紅透半邊天嘅校長，連《香港早晨》錄影都唔放過，Albert話：「之前許冠傑係好難訪問到佢，佢直頭唔上電視。但校長啱啱調轉，咩節目都去，下午茶又去，最離譜係《香港早晨》！」

區瑞強爆譚校長當年為爭取宣傳，任何機會都會答應

校長笑稱：「好記得要(清晨)四點幾入去化妝準備。」仲話只要亮相節目可以幫到幕後人員，都樂意抽空配合，Albert亦大讚校長： 「所謂形象唔係報紙講點點點就係，係要真實人哋親身經歷過，先會覺得：『你真係ok喎』。」

校長又憶述當年同好友張國榮出席「東京音樂節」時，因撞衫引發笑話，自己因而情急智生「爆肚」化解危機，校長話：「我哋一到埗有個記招，咁我同Leslie一出𨋢，我哋成件粉紅色嘅外套係一模一樣，衫褲又同一Set顏色， 我哋自己都係咁喺度笑。但當時有記者嘛，我就即刻攬住Leslie話『We are Hong Kong team』。」

見慣大場面嘅校長，又提到1994年嘅「大球場細細聲演唱會」風波：「之前有啲外國歌手嚟演出已經引發好多投訴，所以我場演唱會係備受矚目，臨演出前嗰個禮拜不斷有消息話『唔畀唱、唔畀開』。嗰時我每日出街，都係要面對超過三百個中外記者，係國際新聞嚟。」校長續指為解決噪音問題，當年專誠添置了價值近二千萬的器材，但仍為現場很多樂迷大部分時間 基本上聽不到任何音樂感到歉意，校長謂：「嗰三晚觀眾係坐滿，佢哋完全冇投訴，仲要自得其樂咁喺度買嘢食、買嘢飲，我真係好感動。」