TVB熱播劇《隱形戰隊》噚晚（23號）播出第14集，圍繞最新個案「拐賣少女事件」，新出場人物有 POTT 隊員辛曉明（吳家樂飾）女兒芷瑤（關嘉敏飾），外表不覊但心地善良嘅瑤 瑤，深信父親當年為咗工作妄顧家庭一直耿耿於懷，之後再因誤會曉明忘記母親死忌與其大吵一鑊兼憤然離家。
新出場人物有 POTT 隊員辛曉明（吳家樂飾）女兒芷瑤（關嘉敏飾）。

瑤瑤外闖期間成為壞人 Michael（袁鎮業飾）目標，察覺有異嘅瑤瑤逃命期間收到曉明來電並喊住求救，可惜最終遭Michael迷暈……關嘉敏之前喺《美麗戰場》憑藉第三者角色惹起關注，呢次喺《隱形戰隊》單係造型已令人留下印象。
瑤瑤逃命期間收到曉明來電並哭著求救。最終還是遭 Michael 迷暈。

昨晚邢風帶住珊珊（伍樂怡飾）喺街頭拔足狂奔一幕亦相當搶焦，無論係Tiffany驕人身段、健康膚色或是甜美笑容，似足拍緊力sell青春陽光活力嘅廣告片。
邢風踩上呃人模特兒公司為珊珊（伍樂怡飾）討回公道。

呢幕街頭狂奔感覺清新甜美，畫面亦相當震撼。

今晚一集將再掀高潮，為破獲拐賣少女集團，Shadow（劉佩玥飾）及邢風（劉穎鏇飾）將假裝被迷暈混進被拐少女群。喺無綫官網噚日及今日發佈嘅兩條搶先睇預告片，作黑白打扮嘅Shadow 及邢風化身「黑白雙嬌」，趁恐怖份子離開後馬上行動，先係站起身以型到極嘅動作將綁住雙手膠索帶「瓦解」， 再竭力調查線索，此時其他被拐少女陸續醒來，混亂間發出巨響引來恐怖份子準備闖入……
Shadow（劉佩玥飾）及邢風（劉穎鏇飾）將假裝被迷暈混進被拐少女群。Shadow 及邢風化身「黑白雙嬌」。

瑤瑤成為其中一名被拐賣女子。

混亂間眾人不小心發出巨響驚動了駐守在外的恐怖份子，情況緊張。

另一條預告片則見到Tiffany及Moon大晒揸槍英姿，帶領著一整班女孩逃離現場嘅Shadow 與邢風，面對為數約12人嘅恐怖份子追殺，不單止照樣能英姿颯颯地仲拖開槍掃射，與Ocean（馬國明飾）及 Cool Sir（陳山聰 飾）裏應外合，跟悍匪們展開貨櫃穿梭追逐戰，加上邢風媽咪Madam Fong（江美儀飾）著緊表情，令人更期待劇情後續發展。
Tiffany揸槍嘅姿勢勁型。Moon每逢開真槍都忍不住會眨眼，並曾因而發自己脾氣。Shadow、邢風、Ocean 同 Cool Sir 裏應外合。

邢風媽咪Madam Fong（江美儀飾）著緊表情。

甚少接觸打戲嘅Moon笑言：「我拍親 Jazz 劇，好多人都話：『點解你又唔使打』、『點解又係人哋救你？』，但喺《隱形戰隊》入面，我係好打得嘅，同埋係神槍手，但因為我兩樣嘢經驗都好少，用槍方面甚至係零，所以每次拍打戲我都好 緊張。我哋演員同武師溝通同練習，好多時就係拍攝嘅時候，時間唔係好多，但 係要做到一定要求，所以壓力都高，都係做到盡量去做，無論幾多 Take 都好。好 多謝我哋嘅武指同埋我嘅替身們，佢哋真係勞苦功高，亦都好畀到支持我。」 
Moon續指自己與其他主演們一樣，每逢開真槍都忍不住會眨眼，並曾因而發自己脾氣：「我好耐未試過做唔到某啲嘢而發自己忟憎，但冷靜同反覆練習過後就 終於做到，好開心今次突破到自己好多唔同嘅嘢，亦都好感恩拍檔同監製都好有 耐性，畀我反覆咁練習。」
忽然唱出生日歌，幫女女賀生日！呢 part 為女女慶生嘅情節絕對係笑中有淚，有感動又不乏笑位老友鬼鬼，林子善、陳山聰、馬國明及唐詩詠擺出騎呢甫士!女女眼濕濕非常感動！

劉佩玥、陳山聰、劉穎鏇、張振朗、郭柏妍、丁子朗及監製文偉鴻出席新劇《奪命提示》煞科宴，眾人分享拍攝由寒冬到炎夏難忘經歷，監製逐一點評演員表現。