任賢齊最近推出新歌〈我出去一下〉，早前小齊就為呢首歌拍攝MV，團隊嚟到一個沙灘，要小齊騎上駿馬奔跑。由於要先同隻馬混熟，所以小齊騎咗上去之後，先係同隻馬喺沙灘來回踱步。

由於團隊準備咗航拍機嚟拍攝，隻馬懷疑畀航拍機嘅聲嚇親而失控狂奔，仲直接帶住小齊奔入叢林，嚇到在工作人員勁擔心，紛紛衝去搵小齊，幸好最終小齊並冇大礙。

事後攝影同事對小齊表示勁驚險，因為見到小齊喺馬上成個人被拋起，所以一度擔心佢會墮馬，而小齊則表示自己冇事，仲笑住話隻馬跑上一個小山坡時，其實都難捉實條韁繩，佢當時都覺得冇騰空嘅感覺呀！

莫文蔚喺內地節目《聲生不息·寶島季》加入張信哲戰隊，佢好期待與眾歌手擦出火花，莫文蔚與張信哲認識多年，不過二人一直未有正式合作，今次上呢個節目有機會同台合唱

而莫文蔚十七年前跟那英開「愛那莫深」演唱會，之後佢哋冇機會碰頭，莫文蔚好開心撞到任賢齊同張震嶽，大家有機會合唱，莫文蔚每次演出均配合歌曲氣氛搵歌，落足心思挑選舞台服務，令佢覺得好好玩，好似做時裝騷咁，嚟緊莫文蔚迎接入行30年，預告將推出新歌及舉行回顧展覽！