胡杏兒賀老公50歲生日幸福放閃 三子西裝look可愛又有型

胡杏兒與老公李乘德（Philip）結婚7年恩愛不減，早前為老公Philip舉辦50歲生日派對，一家五口以華麗黑白dress code示人，大仔李奕霆（Brendan）、二仔李奕霖（Ryan）及細仔李奕宏（Liam）身穿同款西裝，造型可愛又有型。

杏兒一向珍惜與家人相處時光，日前佢貼出當晚佢與老公甜蜜拖手及浪漫擁抱嘅相，向老公隔空表白，杏兒指認識Philip時，當時Philip係41歲，咁快老公已踏入5字頭，佢感覺時間過得好快，要珍惜一切，同時杏兒亦多謝親朋好友嘅到賀及祝福。

杏兒與Philip當年拍拖3個月便答應求婚，二人於2015年結婚，杏兒喺婚禮以客家話向Philip家人承諾生下好多慈枯椗，杏兒婚後為李家誕下3名男丁，一家五口非常幸福，去年佢同Philip慶祝結婚7周年，杏兒表示快樂不知時日過，更情深稱「七周年銅婚，像銅一樣不會生銹」，愛得甜蜜。