日本淺草一間被喻為招財貓發源地、專門求姻緣嘅今戶神社，由於最近一套由佐藤健主演嘅大熱日劇喺呢度取景，所以吸引到唔場劇迷慕名嚟參觀。23號播出嘅《解風東京》，杜如風就帶大家去朝聖，仲教大家參拜日本廟嘅正確做法！佢話首先係放 5yen 入供奉箱，因為「5yen」嘅日文發音同「遇緣」相似，然後拜兩拜、拍一下手再拜一拜，咗就禮成喇。
今戶神社
唔少人拜完都會畫繪馬寫低自己嘅心願，平日大癲大肺嘅如風，居然好正經咁寫上「不要再遇上壞男人」，佢仲有感而發咁話自己一生遇到太多壞男人，係時候畀返個好男人佢。
難得正經呀。
事後問到如風點解咁感觸？佢話因為之前遇到嘅都係壞男人，幾個男友都偷食，不過佢相信終有日自己會遇到好歸宿。對於《解風東京》將會喺24號晚播出最後一集，如風都話唔捨得：「有唔捨得因為做得好辛苦，身邊朋友讚嘅多，可能耐冇睇到我出鏡。開心囉，而家諗緊添食，不過未有頭緒。」佢又話歡迎大家提供地點參考，不過由於《解風》由前期製作到出街，要成5個月時間，所以提醒大家要有耐性，至於講呢轉拍攝最大嘅得着？如風說：「無買爆銀包，仲有剩錢返香港，所以媽咪都讚我乖。」
超隱世日本饅魚飯店。
而24號晚嘅最後一集，如風重量級推介位於東京都港區嘅超隱世日本饅魚飯店，係連當地人都未必識去。如風先試咗呢間舖賣3,500yen(約 200 港元)嘅極上鰻魚飯，大大塊鰻魚咬落去脆卜卜，如風猶如專家上身拆解煮法：「鰻魚一般都係蒸完先燒，呢度係用關西做法，係全條由生燒到熟，所以特別脆卜卜，仲有好大陣焦味，好似食緊叉燒最香、最燶個部份。」
如風話會喺節目入面，提供一個唔使排隊就可以食免費餐，兼有錢收嘅合法方法！好fluffy好似好好食咁。
跟手又嚟到淺草食甜品，目標係紅鶴甜品屋主打pancake嘅人龍店。由於所有甜品都係即叫即做，所以呢間舖係要晨早8點半去到舖頭排隊、攞飛、填資料、揀時間， 最後交低訂金。但如果唔想咁辛苦排隊就有得食嘅，記得收睇呢一集，如風會提供一個唔使排隊又可以食免費餐，仲要有錢收嘅絕對合法方法！

《解風東京》3月24號晚 22:30 J2 82台 最後一集

今年初 J2 推出旅遊節目《自然系女子旅行》，搵嚟台灣三大女神林襄、張雅涵同黃上晏坐鎮，引起唔少話題，有見及此J2 乘勝追擊，誠邀台灣女神林莎拍攝新一季《自然系女子日本旅行》，佢將會同節目主持 暉哥 林映暉玩轉日本！
暉哥同林莎已經出發咗去日本拍攝。林莎喺IG share咗唔少靚相。林莎有 台版三上悠亞 之稱。
有台版三上悠亞稱號嘅林莎，憑住甜美臉蛋加上 32D嘅身材，IG 有近100 萬 followers。對於將會加入新一季《自然系》嘅拍攝，林莎直呼非常期待：「因為平常工作很忙碌，能親近大自然的機會滿少的，我通常去日本也都是去都市，每次看到照片中的日本自然景觀，都很期待有一天可以親自前往！」自言好鍾意浸溫泉嘅林莎，仲預告喺節目入面佢哋將會去到石川縣體驗當地嘅溫泉，令佢相當期待。
暉哥同林莎喺日本玩得好開心。
而再次冧莊做主持嘅暉哥，就多謝團隊畀機會自己，亦非常感謝觀眾嘅支持，暉哥話帶望嚟緊會有機會帶大家去其他國家旅行。講到嚟緊會同女神林莎合作，暉哥就話自己都係對方嘅follower，所以佢對呢次合作都超期待，暉哥仲笑言：「希望之後如果再開新一季，可以再請多啲我嘅女神，畀我認真工作之餘，同時可以圓夢！」
佢哋仲開live講呢幾日拍攝嘅趣事。
雖然節目仲拍攝緊，但林莎同暉哥已經急不及待，喺J2嘅社交平台開直播同大家分享當地經歷，身處日本北陸地區嘅兩人大讚當地風景優美，仲話此行食咗唔少美食。林莎仲連環晒廣東話「我識聽唔識講啦」、「食飯喇」、「好好食」、「我好鍾意你」，之後又話自己好鍾意香港：「去過香港十多次，我會自己無聊地坐飛機去香港吃東西，我很愛香港食物，好像燒臘和各種港式點心！」氹得一眾fans勁冧。