TVB歌唱真人騷《中年好聲音》10強選手，呢個星期要揀「輝黃金曲」出戰，是集歌單為吳大強《L.O.V.E.》、丁文俊《網中人》、李佳《上海灘》、顏志恒《摘星》、龍婷《焚心以火》、涂家堯《當年情》、林鉫徫《問我》、羅啟豪《奮鬥》、支嚳儀《愛定你一個》及周吉佩《畫出彩虹》。

吳大強因手慢未能挑選心水歌《上海灘》，手速輸咗畀後輩，原來周吉佩都唔夠手快，佢被顏志恒搶心水歌曲，周吉佩自認揀歌好差，希望改編歌曲《畫出彩虹》想出奇制勝，而顏志恒則想找一位能駕馭嘅歌，令自己增加信心；支嚳儀經過低谷後，佢唔再夾硬去唱慘情歌，揀咗開心歌《愛定你一個》。

龍婷則想唱廣東歌求突破，努力提升自己，羅啟豪覺得對手實力相近，目前大家得分差距好細，而且評審俾分開始手緊，舒文作為今集嘉賓評審，坦言好難挑剔選手表現，舒文較為著重深層情感表達。

周吉佩 李佳 龍婷 支嚳儀 顏志恒 半年前一齊參與《中年好聲音》而重燃自己嘅夢想，唔止可以為大家唱歌，更加一嘗心願踏上舞台展開演唱會。近日佢哋就為《中年好聲音2》拍攝宣傳片，重回憶返報名當時嘅心情。

最終成為冠軍嘅 周吉佩 就指當時以閃電嘅速度報名參加，更加成為第一位報名嘅參賽者，佢話當中海選最為緊張，仲叫各位打算報名嘅朋友記得準備暖水同外套咁話，更加話識到唔少朋友呀。

雖然仲係處於報名階段，不過唔少朋友已經磨拳擦掌準備參加，更加有人去跟李佳學唱歌，真係做足準備咁喎。而李佳仲比貼士大家，拍試音片都一樣有地方要注意。而支嚳儀就對過往半年經歷形容為好似返學一樣，佢指各位「同學仔」不斷吸收學習，冇諗過身為人母素人都可以重拾心中嘅夢想呀。

至於Benson呢位浴室歌王，就話報名時因為諸多考慮而有所猶豫，最後經太太鼓勵而決定報名，當成係對自己嘅挑戰，仲非常感激公司同事嘅遷就同體諒，先可以出席錄影同綵排咋。

龍婷 雖然身經百戰，而即將舉行慈善音樂會嘅佢，就話自己做鍾意嘅事完全唔怕攰，更加話可以娛樂到大家就係自己最大嘅樂趣喇。
有志朋友報名嚟呢度