洪永城擔任主持嘅節目《成人教科書》將於3月27號開始，逢星期一至三晚播出，呢日佢同參與節目錄製嘅小朋友同家長出席記招分享拍攝趣事，洪永城喺節目中帶領小朋友參與各種校外體驗，並圍繞男女、生死等唔同人生課題進行探討。

以為人父嘅洪永城，從中學習有耐性，每晚讀故事畀愛女Amber聽，慢慢去建立父女關係，佢創作故事形式去講，希望愛女Amber多聽自己把聲，洪永城早前接拍另一J2節目前往探索亞馬遜之旅，同行有兩位J2ers布樂文（JB）同胡美貽（Nicole），洪永城覺得大家可以互相學習一啲主持技巧同拍攝方法。

此外，洪永城希望今年年中可以開拍《凶宅清潔師》續集，目前劇本已整得七七八八，佢亦會再做幕後同幕前演出。

李思捷主持嘅《思家大戰》第三季逢周日晚8點半播出，本周日（11號）播出呢集有洪永城率領「J2 旅行社」隊成員胡美貽（Nicole）、葉靖儀（Michelle）、倪嘉雯（Carmen）及胡敏芝（Karen），對戰黃庭鋒率領嘅「維新烏絲素」隊，成員包括劉錦紅、陳美濤、倪政聖及趙振恒。 

「J2 旅行社」隊成員有洪永城（左起）、胡美貽、葉靖儀、倪嘉雯、胡敏芝。 「維新烏絲素」隊成員有黃庭鋒（左起）、劉錦紅、陳美濤、倪政聖、趙振恒。

今集嘉賓洪永城與主持李思捷原來甚有「淵源」，二人喺2013年分別憑《走過浮華大地亞洲篇》及《玩嘢王》競逐萬千星輝頒獎典禮「最佳節目主持」獎項， 最終洪永城及黃翠如鍊贏李思捷奪獎，心有不甘嘅李思捷，之後喺主持節目《今晚睇李》直踩洪永城屋企「搶獎」，更「扑暈」洪永城，最終洪永城反擊踩上思捷節目奪回獎項，相當過癮！

洪永城同李思捷勁老友，成日喺度鬥嘴。入行前曾於國際學校教體育的黃庭鋒，大晒流利日文、英文同埋普通話， 勁有語言天分。

相隔10年，昔日「宿敵」再碰頭即「火花四濺」，先係李思捷專登將洪永城叫作「洪天城」，洪永城爆料反擊：「大家知唔知佢花名係咩呀？佢叫阿肥，因為佢細個時好肥。」洪永城更作狀搣李思捷面珠，之後李思捷即重提舊事，笑言喜歡與洪永城開玩笑：「好鍾意同你玩，我哋每次合作都好有火花，記得有次你贏咗個最佳主持獎，我就輸咗嘅，之後我喺節目度跑上你屋企拎你個獎，再扑你個頭。」洪永城不忘窒爆思捷：「咁你年年都輸㗎啦，咁你咪年年都扑人？」李思捷聞言即反擊：「唔係呀，我贏咗個亞洲大獎呀！」李思捷喺 「2022 亞洲影藝創意大獎」榮獲「最佳娛樂節目主持」。

李思捷喺節目《今晚睇李》直踩洪永城屋企「搶獎」。李思捷當年仲要扮扑暈洪永城。

李思捷喺問答環節咬住洪永城唔放，其中一條問題「老公放咗工之後，瞞住老婆同班friend做啲咩？」，洪永城回答「按摩」，思捷即打蛇隨棍上「盤問」洪永城：「有咩唔見得人，點解唔同得老婆講，揼咩骨要瞞呀？」今集另一 亮點係「終極開口中」環節，其中一條問題「1至10分，李思捷個樣值幾分？」，李思捷揭曉最多人回答嘅答案時竟然面如死灰，到底接受訪問嘅100人當中，最多人認為李思捷顏值得分係多少？密切留意最新一集《思家大戰》……

洪永城因乜解究要瞞住老婆去揼骨？
洪永城再踩番上思捷個節目度誓要奪回個獎。思捷聞言反擊：「我贏咗個亞洲大獎呀！」

《思家大戰》第三季逢周日晚八點半翡翠台播映 

#思家大戰 #李思捷 #洪永城 #胡美貽 #葉靖儀 #倪嘉雯 #胡敏芝 #黃庭鋒 #劉錦紅 #陳美濤 #倪政聖 #趙振恒