鋪鋪Poker|周汶錡現身鬥Poker女神氣場勁 Eric師兄暈晒浪狂講崇拜感受

今集《鋪鋪Poker》嘅嘉賓係唔少人心中嘅女神:名模 周汶錡 。節目一開始Kathy已事先聲明自己只係稍懂Poker,不過就有一股「唔輸得」個性,喺女神降臨情況下,同場男仕士都表現醒神, 師兄 仲表明「唔敢望」,佢話︰「女神,好正囉,有sex appeal 。」仲笑言擔心自己牌都唔記得點玩,又拉Kathy妹妹周勵淇(Niki)落水︰「佢個妹(Niki)同Kathy唔似, Niki冇咁elegant,不過玩得。」

身旁嘅Kathy就笑笑口,輕拍師兄膊頭話︰「你大件事嘞咁樣講嘢,小心喎。」有女神在場嘅牌局,第一鋪已經非常精彩,JB單挑師傅Eric,最後仲以fullhouse贏埋。

Eric同師兄一見到Kathy現身就暈晒大浪喇Eric同師兄一見到Kathy現身就暈晒大浪喇

Eric提到同Kathy嘅一段淵源,原來多年前佢以組合Swing身份,出席Kathy有份參加嘅活動。出場前Eric仲默默祈盼,可以同女神一齊行catwalk出場,最後仲美夢成真,仲撓住手出場,Eric話︰「你一定唔記得,只有我會記得。」

在座各人即時起哄,師兄忍不住講笑話︰「撓住行咪高你一個頭?」難得Eric完全沒有介意,仲自嘲全程要抬高頭先望到Kathy。成為全場焦點嘅Kathy,亦有問必答大方分享最蝦碌事件,佢話︰「好大鑊㗎,成個跣低喺台囉,鞋都唔知甩咗去邊。係成個人向後仆,四腳朝天。係好尷尬,個場要做飄雪效果,搞到地下好跣。連埋嚟扶我嘅工作人員都跣低。」

而師兄亦提到行catwalk嘅經驗,令自己「眼界大開」,原來模特兒喺後台都一絲不掛,Kathy話︰「係咁㗎,邊有時間理呀,個個都9秒9換衫……你喺度周圍望呀?」而師兄到底點回應,就請留意今晚《鋪鋪Poker》喇。

《鋪鋪Poker》星期六晚 21:30 J2

鑽石山兇案|林作疑被保險公司解約 抽水指有同款鞋拍賣惹眾怒

近日喺鑽石山發生兇案之後,當日片段圖片瘋傳,社會對慘劇都高度關注,自稱為香港抽水王嘅 林作 隨即出Post指自己有嫌犯同款跑鞋出售,不過呢次唔少人就認為佢太過火。雖然之後佢已瞬即將相關Post刪除,但係又連日多次出Post指出自己呃Like抽水「沒有任何事情是不應該被用來開玩笑的」,引起網上一片討伐。

事後林作指「堅決不為我的言論道歉」,不過星期日中午,林作任職嘅保險公司,就罕有於允許於社交平台出Post,指有理財顧問就社會悲劇作出不當言論及行為,故已終止合約。

簡短聲明又指公司內有清晰社交媒體指引,故個人言論並不代表保險公司立場。而公司內部亦有消息指,涉及被終止合約者為林作。

 相關推薦