連詩雅婚前派對邀梁諾妍陳自瑤出席 被陳家樂爆「減肥入魔」大晒骨感美

陳家樂去年6月初向女友連詩雅(Shiga)求婚成功,一對準新人懷着幸福愉快嘅心情籌備婚禮,二人於4月24號拉埋天窗,連詩雅噚日盡情享受Bridal Shower嘅歡樂時光,邀請好友黎紀君(Christy)、梁諾妍(Inez)及陳自瑤(Yoyo)出席派對,接受姐妹朋友們嘅禮物與祝福,正式告別單身。

連詩雅噚日盡情享受Bridal Shower嘅歡樂時光。連詩雅噚日盡情享受Bridal Shower嘅歡樂時光。連詩雅接受姐妹朋友們嘅禮物與祝福。連詩雅接受姐妹朋友們嘅禮物與祝福。

結婚大日子在即,準新娘當然希望喺最後階段保持最佳狀態,連詩雅早前被老公陳家樂爆佢減肥入魔,呢日見佢身穿白色背心連身裙,身形fit到漏,又大騷白滑長腿,合照當中見連詩雅另一造型係著上靚靚婚紗,跟同樣穿上白色dress code嘅好姊妹黎紀君及梁諾妍等擺甫士影相,之後眾人一齊圍埋喺長枱食美食歎美酒。

連詩雅另一造型係著上靚靚婚紗,跟同樣穿上白色dress code嘅好姊妹黎紀君及梁諾妍等擺甫士影相。連詩雅另一造型係著上靚靚婚紗,跟同樣穿上白色dress code嘅好姊妹黎紀君及梁諾妍等擺甫士影相。陳自瑤亦有出席。陳自瑤亦有出席。


新婚連詩雅唔急做人 期待同翠如yoyo拍旅遊節目

新婚一個月嘅連詩雅,呢日獲邀參加頒獎禮。由於婚後同老公陳家樂各有各忙,所以蜜月之旅Shiga就話未定到幾時去,仲話有機會係去個三日兩夜嘅短暫旅行就算呀。提到身邊唔少朋友都已經生咗小朋友,Shiga笑言都聽咗唔少「有用資訊」,不過自己就唔太急切,所以一切都係順其自然呀。

對於早前曾透露會同好姐妹黃翠如同陳自瑤一齊拍攝旅遊節目,Shiga呢日就指仲有好多嘢未落實,但自己就好期待,希望可以快啲成事呀!雖然同好姐妹嘅旅行節目未知幾時開拍,但Shiga就透露嚟緊會去馬來西亞工作,屆時仲會舉行fans見面會呀。

同場嘅鍾雨璇就自爆早前畀師傅批家庭運一般,佢話最近家宅真係有啲不靈,除咗自己同媽媽早前不幸確診外,媽媽仲畀診斷出有血管性水腫,而佢嘅愛貓亦有不適,自己又喺活動上不慎扭傷腳,可以話相當黑仔呀!

 相關推薦