由歷屆港姐成員組成嘅 慧妍雅集 喺疫情之後正式復辦年度籌款晚會，呢晚 趙雅芝 朱玲玲 等率領一班師妹一齊現身，同各界嘉賓好似 葉蒨文 呂良偉 等一齊出席盛會。身為大師姐嘅朱玲玲就同 劉倩婷 同 曹敏莉 一齊接受訪問，仲話事隔3年復辦幾乎連流程都唔記得，又話唔少新成員加入成為生力軍呀。

而夫妻檔現身嘅 趙雅芝 同 黃錦燊 呢日又再曬恩愛，仲同大家分享相處之道，仲話意見相左都唔緊要，最重要係保持溝通呀。

而近年主力喺內地發展嘅 楊思琦 呢日就性感現身，年初拍攝時發生意外，幾乎版道具手槍整盲，呢日佢再講返事發經過似乎都仲未驚完呀。佢又是話當時靠 陳法蓉 同自己聯絡先至冇咁孤單咋。

而 胡杏兒 呢晚就出席完另一活動再趕往現場，事前為咗靚靚現身更加節食，杏兒又話已經好一段時間冇同咁多好朋友見面，呢日再見面就覺得非常開心喇。

身為新一輩嘅師妹 楊培琳 同 梁凱晴 呢日亦都現身晚會，有機會近距離同各位師姐見面，佢哋就變咗小Fans，仲不時向佢哋請教又合照。至於最近自資推出單曲嘅 張名雅 呢日就分享自己嘅創作歷程，仲話原本打算第一首歌係推出唱跳作品，不過自己認為未夠把握，所以決定以慢歌打頭陣喇。

除咗各位靚女之外， 古天祥 呢日都以金屬雕刻藝術家身份出現，仲話近日同品牌合作推出作品拍賣，仲話冇諗過興趣會發展到呢個層次呀。

TVB熱播劇《一舞傾城》噚晚呢集講剛出獄嘅青龍（唐文龍飾）被安排睇機舖，志飛（楊明飾）睇唔過眼誓要查出屠伯（鄭恕峰飾）及麻鷹（李嘉飾） 嘅販毒證據。

唐文龍身材 Keep 得勁 Fit，大晒結實麒麟臂。青龍及志飛捉咗麻鷹回洪泰總部，屠伯為求自保對麻鷹執行家法。

幾經辛苦，志飛、青龍終於搵到麻鷹嘅毒品倉，並一把火燒光所有毒品，麻鷹發難叫手下圍攻佢哋，坐咗十多年監嘅青龍大晒真功夫一個打幾個之餘，更單挑打贏麻鷹。青龍及志飛捉咗麻鷹回洪泰總部，屠伯為求自保對麻鷹執行家法，麻鷹喺生死關頭爆出自己係屠伯親生仔，獲心軟嘅叔父及青龍「放生」。

麻鷹驚爆係屠伯嘅親生仔，青龍一時心軟放過佢。

現年53歲嘅唐文龍身材Keep得勁 Fit，以黑色緊身背心上陣，大晒結實麒麟臂，與「功夫狂人」李嘉近一分鐘嘅單挑戲亦拳拳到肉，演出吸睛。講到相關動作場口，唐文龍受訪時大嗌好玩：「阿嘉好大隻又強勁，雖然佢係練螳螂拳嘅，其實好多功夫都識，佢嘅前臂好強勁同埋啲骨都好硬，咁好彩我自己都有練詠春，所以同佢硬碰我都頂得住。」唐文龍透露兩人因服裝關係唔能夠攝Pad，所以只能硬橋硬馬對打，唐文龍坦言唔容易遇到真係練過功夫嘅演員，所以今次切磋到真係好開心，雖然拍嘅時候又熱又焗好辛苦，但係過程好難忘！

沙律家被人圍堵。

對打場口融入南北派功夫，唐文龍續指與李嘉自度咗一啲動作，為咗對打戲增添功夫味道，唐文龍表示唔想好似打爛仔交：「我哋設計到一派就比較北方嘅打法，另一派就比較南方功夫嘅動作，希望大家睇得出分別。」提到兩人決戰前有「畀禮」，唐文龍解釋：「有一 樣嘢武指泰哥（陳中泰）想我哋做到，就係以前 80、90 年代啲人打交，尤其係高手與高手之間，決鬥前都會『畀禮』，可能有人話會唔會好老套，但我哋想做 到嗰個時代嘅情懷。」 今晚（8 日）播出一集，屠伯派人追殺青龍、志飛等，沙律（陳法蓉飾）家被人圍堵，Monica喺危急關頭（蔡潔飾）奮不顧身為志飛擋刀，Michelle （姚子羚飾）情急下開槍解圍，臥底身份呼之欲出。

屠伯派人追殺青龍、志飛等。志飛一行人被圍攻，Monica 情急之下為愛郎擋刀。

《一舞傾城》逢周一至五晚 9 點半翡翠台播映