隱形戰隊丨陳展鵬飾演奸角將陰森登場 劉佩玥劉穎鏇打戲成焦點

隱形戰隊丨陳展鵬飾演奸角將陰森登場   劉佩玥劉穎鏇打戲成焦點

唔少觀眾都話好期待陳展鵬再演奸角,大家等到喇!陳展鵬喺《隱形戰隊》入面飾演嘅「腦力擔當」奸角匡勝天將會喺28號播出嘅第17集登場!
大家期待號畫面出現喇。
喺TVB官方頻道釋出以陳展鵬角色做主打嘅預熱預告片入面,見到佢坐喺單人囚室入面,對住嚟見佢嘅馬國明、唐詩詠同林子善,一臉從容咁施展讀心術,單係幾句說話說已經講到飾演女女嘅林子善痛處,之後對住飾演Ocean嘅馬國明更加係開挑機mode咁話:「凡事都有代價嘅,想要得到我嘅幫助,就要照我說話做事。」短短 45 秒嘅宣傳片,已經令網民話好期待匡勝天呢個終極大佬會搞啲咩出嚟。
陳展鵬單挑馬國明、唐詩詠同林子善。唔知匡勝天會為三位帶嚟啲咩挑戰呢。
由於片中嘅展鵬令人有種不寒而慄嘅感覺,問到呢次演奸角,驚唔驚會嚇親囡囡小豬比?展鵬笑謂:「之前我拍動作戲,小豬比見到會問『爸爸,點解你會咁打嘅?』,都會同佢講係假嘅,就好似故仔書入面啲角色咁,爸爸嘅工作就係去演繹唔同嘅角色,咁佢會了解到爸爸嘅角色唔係真實嘅我。你問我作為專業演員,絕對要敬業樂業,點樣保持水準先係我最關注嘅事。」
呢場雙劉迎救戲大獲好評。咁有型得唔得㗎?Tiffany話呢場戲佢同Moon NG咗好多次。
而喺24號晚播出一集,Moon劉佩玥同Tiffany劉穎鏇直搗虎穴救出被拐少女、同壞人激烈槍戰一幕,收穫唔少網民好評。講起呢場戲,Tiffany話拍攝時佢同Moon瘋狂NG:「我自己好鍾意呢場戲,之前打戲好少Part女仔,我覺得個感覺好得意,好有女強人感覺。 呢場戲有兩大挑戰,除咗開槍唔好眨眼,有一Part 我同 Moon喺貨櫃度每人一邊喺度開槍,有個 Moment 我因為冇晒子彈,我要喺佢背脊度攞彈匧去 Reload我支搶。其實嗰個動作係要連貫住咁做,因為佢係一個 Wide Shot,嗰個 Take 拍咗 好多好多次,仲要顧埋唔眨眼同面部表情,所以真係好難。我知道好多人都話好期待星期一嘅後續發展,雖然我自己有份拍,但我都一樣期待。」

《隱形戰隊》星期一至五晚 20:30 翡翠台

麥明詩盛勁為舉辦婚宴 林作媽媽現身送祝福

麥明詩同盛勁為喺3月24號擺酒舉行婚宴,獲馮盈盈、鄭衍峰、同麥大力擔任兄弟姊妹團,一對新人甜蜜咀嘴,幸福滿瀉,Louisa喺結婚過程中多次開心到喊,好多朋友更祝福佢哋早生貴子,佢哋都話有呢個計劃,仲話會趁婚假養精蓄銳為生BB做足準備。

而呢晚劉佩玥、吳業坤、江美儀、陳庭欣、戴祖儀、郭子豪、鄧卓殷、丁子朗、洪永城、唐詩詠、黃德斌、翁嘉穗同老公都有到賀,但最驚喜嘅莫過於係Louisa舊愛林作嘅媽媽王莉妮現身,原來佢係以Louisa契媽身份送上祝賀,佢更大讚盛勁為好靚仔好型,自己個仔完全比下去,林媽媽仲話覺得好可惜,之前一直好想阿仔箍煲,最終事與願違。不過林媽媽阿仔都有託佢向Louisa送上祝福。

林作同裕美日前post出結婚相,問到林媽媽囝囝係咪都好事近?林媽媽竟然話林作影婚照係因為受到刺激,仲話自己安慰阿仔叫佢睇開啲,至於講到會畀裕美呢個準新抱幾多分?林媽媽似有難言之隱,只係話佢合格咋。

盈盈見證住好姊妹Louisa覓得真愛都好戥對方開心,佢仲話喺一對新人之間嘅互動,已經感受到佢哋係有幾恩愛,佢仲大讚兩人係最佳拍檔。至於兄弟之一嘅麥大力,之前喺美國滑雪傷腳,雖然仲要撐住拐杖,但大力都堅持上陣,認真唔話得,而Leonard就分享咗兩人相處嘅小趣事。

而啱啱再榮升做爸爸嘅洪永城,就再次同大家分享喜悅,佢仲話細女似媽咪多啲,而大女見到妹妹都好開心,仲鍚咗妹妹一啖添。

 相關推薦

熱門搜尋