藝術舞蹈創作單位Chloeography Project喺網上聲稱,近日由 梁詠琪 演出; 袁劍偉 導演嘅歌曲《停一停 • 心呼吸》MV內容,與其2018年底已經推出嘅舞蹈劇場作品《遙遙之城 Maybe Tomorrow》有多處相似之處,更以多張截圖為證。
Chloeography Project指從未收過第三方要求使用《遙遙之城》概念同影像,對部份畫面相似度高達9成大為驚訝,認為今次屬於公然抄襲,對即將6月出訪布拉格劇場設計四年展更帶嚟影響。
而由「常霖法師」同時任民政事務局副局長 許曉暉 發起成立嘅政府認石慈善機構「停一停 心呼吸」,事後已移除MV,又指正向製作單位了解事件,稍後會再作公佈交待。