隱形戰隊|陳展鵬終現身策劃炸彈連環爆 山聰上台歌舞被大媽瘋狂圍摸

熱播劇《隱形戰隊》嘅「炸彈狂魔案」噚晚展開,案情比之前發生嘅案件更複雜,涉案嘅新 登場人物有匡勝天( 陳展鵬 飾)、沈教授( 黃子恒 飾)、火屎( 彭懷安 飾)、生番( 董敬文 飾)同神秘黑衣人等。

劇情講述一連兩單大型爆炸案案發現場,都發現有德文塗鴉,查案人員沿線索鎖定被囚禁獄中嘅心理專家匡勝天,事件仲牽扯出八年前一單臥底被殺案,以及疑似黑幫復仇事件。Ocean( 馬國明 飾)冋寶寶( 唐詩詠 飾)湊巧身處喺第一爆炸現場當中,Ocean仲一度搵唔到寶寶而大為緊張,重遇後激動擁抱之餘仲又笑又喊,而受驚嘅寶寶雖全程以木納聲線回應,不過亦忍唔住谷出感動淚水,場面感人。

陳展鵬就算身處獄中,似乎依然同炸彈案有關陳展鵬就算身處獄中,似乎依然同炸彈案有關

而一直備受注重更成為焦點所在嘅大奸角 陳展鵬 正式出場,展鵬一現身瞬即引起熱烈討論討。而除咗展鵬之外,黃子恒嘅演出亦一樣吸引,前年憑台慶劇《拳王》熱血拳擊教贏得好評嘅子恒,今次轉為扮演內斂、孝順又神經質嘅沈教授,觀眾除咗爭辯佢係真奸角定係身不由己嘅受害者時,又指子恒演奸角比演好人更為入戲。

到底教授黃子恒同黑衣人又有咩關係呢?到底教授黃子恒同黑衣人又有咩關係呢?

而子恒角色背後似乎隱藏著極大秘密,又同神秘黑衣人一再發生衝突,言談間仲顯露出佢哋坐有不可告人嘅勾當,相當可疑。監製 文偉鴻 繼上套作品《超能使者》將Big Boss懸念玩到出神入化之後, 今次黑衣人出現亦顯得更引人入勝,唔少觀眾都留言好奇黑衣人真身誰屬。

陳山聰忘情狂唱《眼睛想旅行》,仲大受現場Auntie級特約演員歡迎陳山聰忘情狂唱《眼睛想旅行》,仲大受現場Auntie級特約演員歡迎

每集都有齊緊張輕鬆元素嘅《隱形戰隊》,今集搞笑重任就落喺飾演Cool Sir嘅 陳山聰 身 上。事緣Cool Sir遭母親淑珠( 蘇恩磁 飾)設局同家姐顧晨麗( 樊亦敏 飾)進行雙人約會。其間 Cool Sir仲抽中獎被邀請上台唱歌助慶,豁出去嘅Cool Sir忘我大唱《眼睛想旅行》,歌聲同台風都充滿喜感;之後Cool Sir再喺一班「婦女」 包圍下開心跳舞,作為現場觀眾嘅邢風( 劉穎鏇 飾)就全程笑爆喪幫Cool Sir影相,留低「證據」,觀眾亦被全長僅45秒嘅「山聰歌舞場面」觸動,大讚山聰之餘仲問點解唔係唱佢本人嘅《ABCD》。山聰受訪時就笑言:「你知唔知嗰場所有臨時演員, 搵晒啲媽媽Auntie 嚟,嘩!佢哋直情開心到呢!基本上Jazz唔使點教佢哋做戲,佢哋都識得點做。佢哋好投入,Jazz話盡情摸山聰啦,嘩!佢哋真係, 我畀佢哋摸到真係..正呀!」

Amy姐同Tiffany見到呢個場面,又邊可能唔影低佢開心Share吖Amy姐同Tiffany見到呢個場面,又邊可能唔影低佢開心Share吖

隱門|靚湯被指唔似女警認角色蠢 展鵬爆角色各有不可告人之處

熱播新劇《隱門》呢日喺商場宣傳,有份演出嘅 湯洛雯 劉佩玥 黃智雯 吳岱融 陳展鵬 黃子恒 等齊齊現身,懸疑嘅劇情就令唔少觀眾滿腹狐疑,不過呢日佢哋就人人都非常口密,所以呢日就點都唔肯多講往後劇情發展喇。

靚湯雖然被指角色唔似女警又蠢,呢日佢自嘲之餘又被阿Moon喺身邊加多句,就連展鵬都玩埋一份,搞到靚湯笑到唔識停呀。

不過阿Moon嘅神秘背後,好快就會慢慢解開,展鵬仲話大家千祈唔好睇表面,仲叫觀眾記得密切追劇,唔係隨時就會錯失重要劇情呀。

至於Mandy又被老公蝦又被老竇打,唔少人都戥佢可憐,呢日佢就話當中有被岱融哥真打嘅情節,而岱融哥亦都話打Mandy自己心都痛埋呀。

身為最令人討厭老公第一位嘅子恒,就話要歸功於編劇嘅功夫,不過被溺斃嘅佢,要同Mandy多次拍攝落水戲就吃足苦頭喇。

 相關推薦