去年底同趙岱新低調註冊周興哲宣佈將榮升爸爸

娛樂新聞

2023-03-31 16:30

上月喺香港首次舉行紅館個唱嘅台灣歌手周興哲Eric，喺社交平台宣布喜訊，原來佢舊年成功求婚後，已經同Dacie趙岱新低調註冊，而Eric喺帖文入面除咗指自己已經係人夫外，嚟緊仲會再升呢做爸爸呀！

Eric以英名喺社文平台上表示：「I am the luckiest guy in the world. I have the most amazing wife, and now we are happy to announce a baby is on the way！」佢仲話呢一刻無辦法形容佢嘅激動，仲話自己急不及待同佢Dacie組織一個家庭。

而Eric嘅經理人喺回覆傳媒查詢時，就表示Eric同Dacie已經喺去年低調登記結婚，至於BB亦喺佢哋計劃之內嘅事，仲話Eric認為BB係上帝送畀佢兩公婆最好嘅禮物，至於Dacie嘅身體狀況亦係非常好，懷孕期間無害喜。

鑽石山兇案｜林作疑被保險公司解約抽水指有同款鞋拍賣惹眾怒

娛樂新聞

2023-06-04 13:04已更新：2023-06-04 13:08

近日喺鑽石山發生兇案之後，當日片段圖片瘋傳，社會對慘劇都高度關注，自稱為香港抽水王嘅林作隨即出Post指自己有嫌犯同款跑鞋出售，不過呢次唔少人就認為佢太過火。雖然之後佢已瞬即將相關Post刪除，但係又連日多次出Post指出自己呃Like抽水「沒有任何事情是不應該被用來開玩笑的」，引起網上一片討伐。

事後林作指「堅決不為我的言論道歉」，不過星期日中午，林作任職嘅保險公司，就罕有於允許於社交平台出Post，指有理財顧問就社會悲劇作出不當言論及行為，故已終止合約。

簡短聲明又指公司內有清晰社交媒體指引，故個人言論並不代表保險公司立場。而公司內部亦有消息指，涉及被終止合約者為林作。