神耆小子丨鄭則仕樊亦敏新劇挑戰香艷場口蕭正楠笑指冼靖峰別學阿廉演技

TVB高收視處境喜劇《愛·回家之開心速遞》一直廣受觀眾歡迎，今晚播出呢集講「三太」白天娥（樊亦敏飾）要喺所有員工就幾位設計師設計嘅男裝投票，打算將得票最多嘅設計師品牌引入接龍，為咗公平起見，三太要充當模特兒嘅男員工戴上面具，三太發現其中一位模特兒嘅身型十分「標青」，展開「蝦系男神」尋人記！
今晚播《愛·回家之開心速遞》係「蝦系男神」尋人記！

呂慧儀喺劇中飾演熊若水，下午喺IG讚揚今集兩位「蝦系男神」譚坤倫及李紹堅，當中以飾演CPU嘅譚坤倫最犀利，由譚坤倫收到劇本到拍攝才個多星期，斷食減肥將一舊腹肌變成六舊腹肌，難怪呂慧儀讚口不絕。
呂慧儀揚飾演CPU嘅譚坤倫最犀利，斷食減肥將一舊腹肌變成六舊腹肌。

譚坤倫就堅持努力忍口咗個幾星期，就係為咗呢一幕。

呂慧儀記得「處境劇女王」家燕姐講過拍處境劇為趕進度咩都要快，喊戲都要喊快啲，呂慧儀稱就連換衫、埋位及入戲都要快，有時仲要挑戰人體極限，減肥增磅都要快過人，呂慧儀又指譚坤倫非常乖仔，真係好認真對待呢場戲，雖然只係短短一幕，有旁人叫佢靠化妝畫畫就算，不過譚坤倫就堅持努力忍口咗個幾星期。

由譚坤倫收到劇本到拍攝才個多星期，斷食減肥將一舊腹肌變成六舊腹肌。

呂慧儀續指放食飯嗰陣見同場演員喺度食飯，譚坤倫只望住大家食飯，完全冇分散注意力，繼續專注減磅，呂慧儀好最欣賞專注做自己事、唔會被人左右、分散注意力嘅人，自己都一直喺處境劇中訓練，同時佢又讚另一個演員李紹堅，雖然佢個肌肉係畫上去，不過佢都好努力為咗呢集戒口、吃得很清；可見要做「蝦系男神」一啲都唔易！
呂慧儀好最欣賞專注做自己事、唔會被人左右、分散注意力嘅人。三太發現其中一位模特兒嘅身型十分「標青」。呂慧儀又讚另一個演員李紹堅，雖然佢個肌肉係畫上去，不過佢都好努力為咗呢集戒口、吃得很清。