姚焯菲（Chantel）離港到新西蘭升學，不知不覺已一段時間，TVB娛樂新聞台獨家直擊Chantel當地生活，而好友張馳豪（Aska）及潘靜文（Sherman）更突襲Chantel送上驚喜，事前Aska同Sherman好擔心計劃敗露！

Aska同Sherman喺Chantel受訪時慢慢靠近，當Chantel見到好友Sherman立即尖叫，Chantel單手掩嘴，露出一副難以置信嘅表情，佢仲忍唔住想喊！

TVB一口氣推出三個全新音樂節目，分別係逢周六 23:00 播出、由 許文軒 主持嘅《勁歌金榜》、星期一至五 深夜播出嘅《MUSIC BREAK》，同埋6月4日起，逢星期日22:30 播出、由 Archie冼靖峰 同 Sherman潘靜文 主持嘅《J Music》。
Archie冼靖峰 同 Sherman潘靜文 主持《J Music》。
首播嘅《J Music》雖然只係半小時嘅迷你音樂節目，不過內容相當豐富，除咗每集請嚟唔同歌手與live band Jam歌外，仲有由 Gigi 炎明熹主持嘅讀者來信環節「Gi 心批」，Gigi仲會喺呢個環節送上獨家禮物。
而Gigi記主持《J Music》入面嘅「Gi心批」環節。
另外仲有唔同唱片公司嘅歌手跨界合作、直闖中學校園地標為學生唱歌打氣嘅「School Tour」、以 Busking做主打嘅「My藝」，同埋花生指數整高嘅「魔音救兵」！呢個環節會邀請被封為「魔音」嘅藝人朋友，幫佢哋改善唱功，一洗魔音封號！打頭陣嘅嘉賓有「魔音港姐」之稱嘅 馮盈盈，到底製作組能否化腐朽為神奇?稍後集數將會揭盅，絕對值得期待！

首集現身嘅歌手朋友。
至於首集現身嘅歌手嘉賓有曾比特、余宗遙、陳葦璇、周子涵及楊彤，獻唱或合唱歌曲有《我不如》、《有誰共鳴》、《3.14》、《我不是邱比特》及《Fly Baby》， 當中《有誰共鳴》更係全新編曲版本。

而喺「Gi 心批」環節中，Gigi 將 「盲抽」首封讀者來信公開朗讀，為咗更完美表達寫信人嘅故事同心聲，Gigi 唔只會「聲音扮演」，仲會同大家分享自己類似嘅小故事。另外 Gigi仲會大晒畫功表達心情：「我嘅心情有少少緊張，但又有陽光普照。」可惜最終因「圖文不符」令現場工作人員𢱑晒頭。仲有 Sean文佐匡、 Yumi鍾柔美同 Duncan候雋熙喺街頭跳舞。
每集節目，歌手們亦會走出錄影廠嚟個街頭快閃跳舞，首集就有Yumi鍾柔美、《聲夢 2》Sean文佐匡 及 Duncan候雋熙。

《J Music》逢星期日 22:30 無綫翡翠台