TVB X 淘寶直播帶貨呢晚進行第二場，除咗有陳敏之繼續坐陣外，今次仲有馬國明同陳自瑤加盟。為咗配合《衝上雲霄》嘅主題，佢哋仲以Captain Ko同空姐造型登場。佢哋3人直播帶貨12小時，累計觀看人次超過690萬，營業額逾8300萬港幣，吸金力超強！

同陳豪嘅第一場直播帶貨已經有好好成績嘅敏之，今次成績再下一城，雖然講足6個鐘但佢都冇怨言，仲話今次喺個機艙景做直播，令佢有種真係好似喺天空中做直播嘅錯覺。敏之又指每一次都有set個數字畀自己，而今次見到個數都覺得自己交到差呀。

新加盟直播嘅Yoyo，佢同馬明嘅搞笑互動，令到成個機艙氣氛勁好。人生第一次做咗大型直播帶貨嘅Yoyo，話自己要好好咁紀錄呢個moment，又讚啲網民好體貼，擔心佢要直播6個鐘會口渴同攰，提佢要注意身體。

驚喜現身一個鐘嘅馬明，話成個體驗好新鮮，但佢話覺得如果要好似兩位女士咁講足6個鐘，自己就會搞唔掂。講到未婚妻湯洛雯喺社交平台上講到「今年春天有一點不同，開始看到很多臉上的微笑，幸福。」似係暗示佢哋嘅婚期將定於春天，馬明聽到即刻尷尬咁笑住話一切都要睇未婚妻嘅決定，仲話自己係見到靚湯寫嘅嘢好似幾有意思咁，所以自己先留言，但係當中冇啲咩特別密碼，馬明仲承諾定好晒所有嘢之後，一定會同大家講呀！

TVB聯乘淘寶昨日（5月31日）舉行第九場直播騷，邀來黎諾懿、陳自瑤、湯洛雯、高海寧、朱晨麗及何依婷參與帶貨。昨日直播騷以「香港小姐」作主題，一班主持以華麗造型亮相，同屬前港姐的高海寧、朱晨麗、湯洛雯及何依婷，為帶貨升呢「講姐」落力Sell貨，角逐帶貨女王殊榮。

昨日直播騷由下午5時進行至深夜2時，經過長達9小時無間斷直播帶貨，最終全場銷售額突破1億人民幣（約1.1億港元），累計觀看人次近1,000萬，成績斐然。

一班港姐出場時已睇頭十足，高海寧、朱晨麗、湯洛雯及何依婷齊齊化身Model，戴上名貴首飾行Catwalk，大晒高貴大方一面，高海寧的Super S身形更是弗到漏油。首度帶貨的湯洛雯及何依婷則表現落力，依婷換上運動裝示範試用運動儀器，湯洛雯則化身廚娘煎牛扒，有網友笑言其未婚夫馬國明相當有口福。淘寶直播騷以「香港小姐」作主題，一班主持以華麗造型亮相。淘寶直播騷以「香港小姐」作主題，一班主持以華麗造型亮相。淘寶直播騷以「香港小姐」作主題，一班主持以華麗造型亮相。淘寶直播騷以「香港小姐」作主題，一班主持以華麗造型亮相。高海寧的Super S身形更是弗到漏油