炎亞綸客串電影版《做工的人》，呢日出席首映活動，近年踏入電影圈，有佢拍嘅電影票房都好收得，被視為「票房吉祥物」，炎亞綸坦言鍾意跟前輩們合作，因為佢覺得前輩都好有趣。

呢部電影講述基層工人嘅故事，導演鄭芬芬要求演員用台語上陣拍攝，更大爆炎亞綸台語差，炎亞綸稱導演要求要有抑揚頓挫，因為有8個音，所以佢有注意細節，亦有老師喺現場聽住對白，眾人笑言現場都係台語老師叫Cut！

天心與溫昇豪主演嘅劇集第三季近日正式開播，呢日二人為新劇宣傳，天心與劇中前夫「趙立廷」嘅關係迎來新轉機，網民好奇佢哋會唔會破鏡重圓，二人就大賣關子，天心笑言應該好多人爭「趙立廷」，而溫昇豪否認劇中出軌，只係以「用身體換情報」。

承接之前沉重劇情，女主角天心建議觀眾睇劇前要做好心理準備，天心現實中與韓籍老公長期分隔兩地，近日趁有空檔佢即前往韓國跟老公相聚，天心更喺社交平台分享兩公婆玩樂嘅片段，天心受訪時稱此行逗留七、八天左右，佢目前算係偽單身，加上佢同老公都係同行，大家可以互相配合同體諒，佢笑言要盯好老公，唔准精神及肉體出軌。