獎門人感謝祭｜《法言人》演員硬碰《去旅行》主持

消費卷又再派發之下，特備節目《獎門人開心消費感謝祭》就為大家介紹咗唔少荀貨，仲邀請埋新劇《法言人》嘅演員 馬國明 林夏薇 張頴康 黃嘉樂 趙璧渝 蔣祖曼 朱匯林 同《請1日假去旅行》嘅主持 周奕瑋 何沛珈 李芷晴 戴祖儀 余思霆 等 組隊參與遊戲，事後 馬國明 就話同一班好拍檔齊齊玩返晚非常開心喇。

總監製 劉嘉豪 同太太 梅小青 同場之下，成班演員就玩得更加落力，馬明扮婦科醫生同孕婦就似模似樣笑到大家肚痛喇， 不過食完辣壽司之後佢哋就有苦自己知喇。

近日返港嘅 金剛 呢日亦重操故業重返獎老團隊，仲被獎門人「逼」佢同女嘉賓傳紫菜，不過事後佢哋就被投訴喎。