《聲夢》畢業後,成為最新獲安排工作嘅成員,加入兒童節目主持一段時間,同時一直為自己嘅影片頻道拍攝唔同歌曲Cover,苦候有自己歌曲嘅同時 潘靜文 一直都繼續耐心準備,亦喺2023年正式推出自己嘅歌曲,成為今年度嘅樂壇新人。呢日佢接受 許文軒 《StarTalk》專方,就分享兩年來嘅心情。
樂觀靜靜等、自認為唱功技巧未及同期《聲夢》成員,Sherman認為苦等不如加緊準備而樂觀面對,但係成為主持之後,的確有擔心過從此就同心愛嘅唱歌漸行漸遠。
第一首個人歌曲《永遠潘朵拉》,以最愛嘅情歌出發,但係錄音時就充滿不安同擔心。歌曲以希臘神話中第一個女人,比喻愛情當中嘅經歷,而對感情全情投入嘅Sherman,遇過嘅感情深切傷害,對呢日依然似乎仍然隱隱作痛,仲將當中嘅苦痛加入錄音嘅情緒當中。
少年時總係對感情視作天下第一大事,Sherman亦因為將自己嘅故事向作曲同作詞嘅蘇道哲 林寶 分享,令歌曲尤如傾訴佢嗁過往疤痕,仲連錄音都令佢會唱到啜泣。
畢業後繼續向 林欣彤 請益,阿Mag仲令佢冷靜而可以好好現場表現未致失禮,視對方亦師亦友之餘,更形容對方係自己嘅救世主。
登入後即可查看我的收藏
登入後即可查看瀏覽記錄