思家大戰|姚子羚戲精上身「嬌俏兩式」拉客 氹掂思捷爆晶哥大鑊?

思家大戰|姚子羚戲精上身「嬌俏兩式」拉客 氹掂思捷爆晶哥大鑊?

由李思捷主持及監製嘅《思家大戰》第三季逢周日晚8點半翡翠台播映,本周日(21號)播出呢集由「媽媽生 Michelle」姚子羚率領「一舞傾城」隊,成員包括「Monica」蔡潔、「KK」陳星妤、「魚旦媽」莊鍶敏及「巴巴拉」莊思明;另一隊則是由家庭觀眾「健美美魔女」賴維茵(Ivy)率領「My gym girl」隊,成員包括Lotto、Eden、晞喬及「HK Gym Girl」楊彥婷。

「一舞傾城」隊,左起:姚子羚、蔡潔、陳星妤、莊鍶敏、莊思明

呢集一開始,主持人李思捷即「記者」上身,向《一舞傾城》飾演「媽媽生」嘅姚子羚攞料,李思捷好奇問佢哋事前點做角色Research,有冇去跳茶舞嘅地方做Part Time,全程表現精靈嘅姚子羚即醒目反擊:「茶舞好多地方式微喇喎!」思捷聞言竟爆大鑊:「(呢啲地方)晶哥就去得多喇!」之後姚子羚按思捷要求戲精上身,化身劇中「媽媽生」表演「拉客嬌俏兩式」—掩嘴笑及搭膊頭:「李老闆,今日第一次嚟到呀,真係啱喇,我哋《思家大戰》嚟咗好靚嘅女女呀!」劇中飾演姚子羚敵對「媽媽生」莊鍶敏亦不遑多讓,拉住打扮性感嘅妺妹思明向子羚示威: 「我呢邊好好,係咪特別少布先?嗰啲包到咁冇服務!」思明則搞笑接招: 「我慣咗畀人彈鐘。」相比之下,「Monica」蔡潔及「KK」陳星妤明顯較怕醜,與其餘三人相映成趣。

「HK Gym Girl」隊,左起:Lotto、Eden、楊彥婷、晞喬、Ivy

這邊廂「一舞」隊盡情「靠把口」搞氣氛,那邊廂「Gym Girl」隊則靠「實力」搞氣氛,五名隊員按思捷要求,向觀眾展示最強一面;其間楊彥婷輕鬆做出一字馬技驚四座,成功搶焦。而51歲「美魔女」隊長 Ivy,不單止樣子keep得年青,連身形fit到爆,出場時成功引發尖叫。

姚子羚逐一介紹隊員出場,個樣好風騷。莊鍶敏就同阿妹思明唱雙簧。

正式遊戲環節亦係高潮迭起,來勢洶洶嘅「一舞」隊,第一條問題已成功清板, 令「My gym girl」苦陷危機;其間莊鍶敏為咗爭勝,不但表情多多,答到興起時更高呼「男人」,遭思捷點名稱讚:「我就係知你性格,講咪講咯!」不過 「Gym Girl」隊並非弱者,好快便板回劣勢、反過來令「一舞」隊身陷險境, 兩隊惡鬥至最後一刻才分出勝負。四條問題中,以「講一樣你會用雙手攬住嘅嘢」引發爭議,最後一個答案更令兩邊費煞思量,答案揭曉後更令全場 「嘩」聲四起。到底咩答案咁震撼?密切留意新一集《思家大戰》。

蔡潔明顯較怕醜。 陳星妤都係好怕醜。莊思明搞笑接招:「我慣咗畀人彈鐘嘅。」 「My gym girl」隊身形弗到漏。「美魔女」Ivy 話自己 51 歲時,全場觀眾都顯得難以置信。「一舞」隊第一條問題已成功清板, 令「My gym girl」苦陷危機。

《思家大戰》第三季逢周日晚八點半翡翠台播映

陳法蓉因LOONG 9成團再衝熱搜 與TVB傾新合作重返娘家拍劇

一眾歷屆港姐盛裝出席3月16日舉行嘅慧妍雅集年度慈善晚宴,最美港姐朱玲玲、趙雅芝同老公黃錦燊、上屆主席劉倩婷同老公李丞責、鄭文雅、楊思琦、陳法蓉、莊思明同孖生姐姐莊思華、應屆港姐冠軍莊子璇同亞軍王怡然等,眾多美女雲集為慈善出力。

最近因為《亞洲超星團》練習生以LOONG 9之名出道,討論度火熱,因而再度令 陳法蓉 嘅經典電影角色「龍九」成為熱搜,Monica都有留意到,除咗多謝 曾志偉 令自己角色再度爆紅之外,更大爆同選秀節目早有緣份:「節目組曾經聯絡過我想我做客串評判,但我推咗,因為大家都知洪欣係我好朋友,我一直都好支持佢囝囝參賽,不時都喺網上為鎬濂拉票,如果我做評判唔係好恰當。」另外,Monica去年憑主演劇集《一舞傾城》首度提名大灣區視后,仲話黎緊好大機會返TVB拍劇,並透露現正洽談新劇合作。Monica好開心打入視后五強,更謙稱年屆50多仲有機會角逐視后好難得。

同場共襄盛宴嘅仲有電視廣播有限公司行政主席許濤、叻哥陳百祥同太太黃杏秀、擔任表演嘉賓嘅黎瑞恩以及周吉佩等,近年小恩子不時出遊,原來佢係為拍旅遊節目做準備,所以親身去實地考察,早前曾走訪新疆、長白山等不同地方,自己亦大手筆買咗駕旅行車四圍遊歷。

黎諾懿輪忙於宣傳主演劇集《婚後事》,但點都要現身支持今屆慧妍雅集主席兼老婆李潔瑩(Nicole),更大讚賢內助能幹,對內對外均打點得妥妥當當,諾懿笑言:「連我咁難搞佢都搞得掂,冇嘢難到老婆。」Nicole亦坦言呢個大仔最難搞,但宴會成功好感謝各方面配合同幫忙。

吉吉呢晚擔任表演嘉賓,太太黃彥欣都盛裝陪伴赴會,吉吉透露好快會有新歌同觀眾見面,喺歌曲中仲會送上佢嘅弱項跳舞,希望呢個創新挑戰可以令歌迷見到佢嘅另一面。

 相關推薦

熱門搜尋