好睡好起丨環保鬥士林超英38度超高溫分享散熱大法方東昇熱到成個背濕晒

「顛覆大家對睡眠世界想像，一個未必影響一生，但會改變你三分一人生嘅節目」，由無綫新聞及資訊部製作、黃淑明監製、方東昇、黃曉瑩及李曉欣主持節目《好睡好起》，將喺5月25號（周四）起逢周四及周五晚10點半翡翠台播映。幽默風趣嘅方東昇與好拍檔黃曉瑩、李曉欣又再出動，炮製以睡眠為主題嘅資訊節目！

方東昇團隊又出動喇！今次佢哋嘅身份係「傳覺士」。《好睡好起》又尋人，莫非是尋周公？

方東昇、黃曉瑩及李曉欣化身「傳覺士」，向大眾傳遞「瞓覺」嘅訊息。節目深入淺出，為觀眾解構一件不受重視，但影響三分一人生嘅大事；方東昇團隊之前推出《尋人記》系列自播出以來口碑收視俱佳，無論係「投訴王」安仔，定係樂天知命嘅「杯麵男孩」，感動無數網民嘅「龜兔夫婦」愛情故事均成為城中熱話；《尋人記 II》更奪得《萬千星輝頒獎典禮2022》最佳資訊節目殊榮，今次再為大家啟動「尋人 mode」教大家好好瞓覺。

方東昇、黃曉瑩及李曉欣化身「傳覺士」，向大眾傳遞「瞓覺」嘅訊息。到底瞓覺呢件事可以引發幾多議題？點
點樣顛覆大家對睡眠世界嘅想像呢？

「人人會睡，但未必個個睡得好」，為咗幫助大家「好睡好起」，三位「傳覺士」探討四大迷思，包括「止鼾神器真止鼻鼾？」、「睡眠債可以邊借邊還？」、「瞓得多會生得高？」、「食飽睡一睡，有福定有罪？」團隊再次展現驚人毅力，四出尋訪願意公開整晚「睡相」嘅個案。

三位「傳覺士」會探討四大迷思！

經過大半年籌備，方東昇團隊搵咗唔同界別代表「尋周公，講睡事」，一眾名人、素人更瞓身參與，喺螢光幕前獻出「絕密睡相」，再由專家搵出「睡相」背後真相。其中一個參與拍攝嘅星級代表係李璨琛女兒李元元(Lucy)，拍攝當日Lucy眼仔睩睩、活力四射，媽媽梁志瑩費盡心思都冇辦法令佢瞓，攝製隊後來出動「秘密武器」協助媽媽施以「催眠大法」，Lucy就一心打持久戰，三名主持信心滿滿，最終能否令Lucy做「睡公主」呢？

《好睡好起》將於 5 月 25 日（周四）起逢周四及周五晚十點半翡翠台播映。李璨琛女兒Lucy及太太梁志瑩亦有份參與拍攝。

節目又邀得兩位大忙人參與拍攝，「公職王」霍啟剛每日行程緊密，主要靠坐車途中小休叉電；佢一直希望改善睡眠質素，最終可唔可以透過節目搵出影響自己睡眠嘅「最大敵人」？伍詠薇爽快答應受訪，除咗帶嚟屋企嘅「入眠法寶」，又即場示範「睡眠演技」。除咗個案探討，節仲搵嚟多位睡眠專家參與拍攝，中大醫學院精神科學系系主任榮潤國、港大心理學系副教授李馨，以及教大心理學系副教授劉月瑩分享睡眠秘笈！

方東昇團隊搵咗唔同界別代表「尋周公，講睡事」。伍詠薇晒「入眠法寶」，即場示範「睡眠演技」。「公職王」霍啟剛每日行程緊密，一直希望改善睡眠質素。
《好睡好起》周四、五晚十點半翡翠台播映

方東昇、黃曉瑩及李曉欣主持新節目《好睡好起》噚晚播出第三集主題係午睡，三名主持方東昇、黃曉瑩、李曉欣替校方「巡查」同學係咪入睡，方東昇問「邊位小朋友瞓著請舉手」，竟然有位小男孩舉手，面對黃曉瑩追問點解睡著都識舉手，小男孩話：「因為聽到你講嘢。」曉瑩再追問佢係咪爛瞓豬，小男孩出其不意打噴嚏，後來舉手直認「爛瞓豬」，可愛及誠實程度爆燈。面對「睡態百出」嘅小朋友，校長笑言難分真與假：「我走近哄佢瞓，以為佢睡咗，當我緩緩起身，佢會偷望我係咪離開，簡直係視帝視后。」

方東昇今集都有唔少金句。
可愛「舉手誠實小男孩」！面對黃曉瑩追問點解睡著都識舉手，小男孩話：「因為聽到你講嘢。」

今晚（2 日）播出呢集主題為「睡眠狂熱」，探討溫度點樣影響睡眠質素，採訪隊登門造訪有「科學怪人」之稱嘅天文台前台長林超英，了解「無冷氣之家」如何運作。林超英曾揚言「用十年時間證明，唔開冷氣唔會死」，「開冷氣係心中有鬼」，受訪當日室外超過38度，林超英堅持唔開冷氣，更大拋金句自勉「熱，但唔辛苦」，佢又帶攝製隊直入睡房，逐一介紹「降溫法寶」，之後更即場示範高溫入睡。

林超英說到做到，不愧為環保鬥士。樂觀活潑的林超英，一嚟就拎住支「溫度槍」左嘟右嘟。拍攝當日室外氣溫超過38度，方東昇熱到成個背濕晒。

雖然受訪期間衣衫盡濕，林超英仍神態自若、活潑風趣，拎著「溫度槍」左嘟右嘟搞氣氛，又大力鼓吹「小林退熱法」，方東昇笑言「你係環保鬥士，我哋頂多係一粒環保豆豉」。方東昇團隊蒐集歐美科學家嘅看法，與林超英埋身理性討論睡眠溫度議題，欲知結果如何？請留意今晚播出呢集。

至於攝影師熱到手臂都滴汗之餘，仲要眼鏡起霧。