玖壹壹巡迴演唱會香港站將喺本年6月於麥花臣體育館舉行，呢隊由台灣街邊校園廟會唱到拎⾦曲獎嘅男團，成員有春風（洪瑜鴻）、洋蔥（陳皓宇）及建志（廖健至），多年來以音樂呈現真實嘅⾃⼰，用歌曲引起⼤家共鳴。

呢隊由台灣街邊校園廟會唱到拎⾦曲獎嘅男團。

「玖壹壹」今次來香港希望將自己重新介紹畀香港聽眾：「我們希望用聲波為核心『傳遞、傾聽、吶喊』，因為每位觀眾都是聲波傳達的中繼站，繼而累積及醞釀直至極限，然後便全面爆發！」

「玖壹壹」今次來香港希望將自己重新介紹畀香港聽眾。

此外，「玖壹壹」再度入選金曲獎上周台灣金曲獎入選名單正式公布，而「玖壹壹」繼2016年後，再度憑作品《BROMAN》入圍第27屆⾦曲獎《最佳演唱組合》。當年應邀參與⾦曲獎演出，締造每分鐘最⾼ 6.11最高收視率，奪下全場收視冠軍。瞬間即引來城中網上討論，同年獲得視頻網站頒發《⾳樂類影片排⾏榜第⼀名》華語點閱率前20名，而「玖壹壹」影⾳頻道累積總點播次數超過11億4千萬次，今年再接再勵再度入圍，證明自己嘅實力！ 
玖壹壹巡迴演唱會香港站將喺本年6月於麥花臣體育館舉行。

相隔四年楊千嬅嘅世界巡迴演唱會再次重啟，首站喺廣州舉行，唔少買唔到飛嘅觀眾，都嚟到場館嘅外圍聽演唱會。
千嬅企喺三層樓高嘅吊台登場。
演唱會甫開場，千嬅站喺樓高三層樓嘅吊台登台，並唱出《飛女正傳》、《烈女》、《少女的祈禱》、《可惜我是水瓶座》等多首經典歌曲。千嬅喺台上表示4年前嘅呢個巡演係佢夢想嘅出發點，而家相隔四年再嚟到廣州開騷，當聽到fans嘅尖叫聲，令千嬅笑言：「你嗌到咁悽厲，把聲我好似爭你四年錢咁，不過我好鐘意呢啲聲音呀！」
相隔四年，千嬅嘅巡迴演唱會再次重啟。
現場有歌迷拉橫額應援，不過千嬅見到就搞笑咁話好驚：「依家見到個羊(陽)字都驚呀！作為一個楊(陽)姓女明星，好驚架！」佢仲笑言因為自己曾經確診嘅關係，所以記憶力下降。
千嬅話好掛住大家。
當去到感謝環節，千嬅表示呢晚有70幾位親友嚟咗廣州支持自己：「我個仔話唔畀我提佢，但我都要多謝佢，因為我用了很多時間去準備這個騷，好少有阿媽多謝個仔，但我要感謝佢俾左我好多生活動力，在相處中的人生鼓勵。」之後又多謝老公丁子高支持自己嘅演出。
楊千嬅世界巡迴演唱廣州站。
同觀眾傾得勁開心嘅千嬅，喺台上自爆瘀事，佢話自己喺綵排時唔小心扭親隻手，但係扭傷嘅過程極刁鑽：「點解整親呢？我要試衫舞台服裝，除褲時好緊張，因為趕時間，點知一除隻手指公就撠到隻襪，然後成條筋黐埋，手指公不能屈曲。然後工作人員介紹了一支藥膏給我，搽後好很多。」