獨家直擊丨炎明熹廣州騷前花絮 親解姑丈《中年好聲音2》參賽可能？

炎明熹（Gigi）日前挑戰喺廣州4萬人戶外場地演出成就解鎖，TVB娛樂新聞台派出主播王鎮泉同大家直擊騷前花絮，「Gi炎粉」應該好想知道佢開騷前有咩準備！

炎明熹透露自己兩個開聲秘訣，又帶大家睇吓自己間房，整齊到連泉叔都大讚，炎明熹仲有一件每次出埠必帶嘅嘢！而炎明熹喺綵排前心情好輕鬆，無懼挑戰大型場地，平時愛搞笑嘅炎明熹，一上台即信心十足！

炎明熹自爆天生手汗多，每次演出都有啲緊張，現年18歲嘅炎明熹唔使姑丈接送，姑丈安心喺台下欣賞呢次演出，炎明熹大爆姑丈不時指點佢嘅唱功，講到《中年好聲音2》開始接受報名，炎明熹原來有叫姑丈參賽！？