張敬軒為個唱開始閉關 雙親即將入伙香港新居

張敬軒趁住5月20號呢個充滿愛嘅日子，呢日出席一個代言活動，軒公一向愛錫fans，「520軒公開庫」向fans大派福利，軒公指呢日係演唱會閉關前活動。

軒公舊年不幸確診，今年成功攞到期重開演唱會，令佢覺得好開心，軒公坦言差啲甩期搞唔成，因為會展要裝修，佢感謝場地畀出檔期，同時預告個唱補場有新歌單，不過軒公操肌未成功，屆時未能騷肌派福利。

軒公早前講過想安排雙親來港定居，佢正安頓父母下周入伙新居，軒公早前爆爸爸昏迷險出事， 差點踏入「鬼門關」，原來父母早前去倫敦時確診，上機回港前回復一線，由於爸爸確診後有啲後遺症，令軒公好擔心，呢日佢呻爸爸康復後未有戒口，希望佢多注意身體健康！