台灣男團五堅情成員黃偉晉、陳零九、Lai（賴晏駒）、邱鋒澤及Shou（婁峻碩）又嚟香港，呢次舉行澳門簽唱會記招，過千名fans到場支持，五堅情大騷廣東話向「堅果」示愛。

邱鋒澤感受到香港「堅果」嘅熱情，感謝「堅果」帶畀佢哋好多驚喜同好多能量，佢哋今次喺香港玩咗兩日，體驗當地文化，當佢哋被fans捕獲，fans會講「香港歡迎你」，讓五子覺得好暖心，好似遇到一啲好耐冇見嘅朋友咁。

五堅情成軍三周年，七月將去澳門開騷，預告屆時會有新作品演出，為澳門「堅果」帶來驚喜，由於五子當中只有小賴去過澳門，所以小賴負責搵景點同餐廳，屆時帶隊友去玩同食嘢。

台灣人氣男團「五堅情」陳零九、邱鋒澤、黃偉晉、賴晏駒（小賴）及婁峻碩呢日接受TVB娛樂新聞台節目《StarTalk》訪問，見佢哋廣東話有進步，決定考吓佢哋對答，邱鋒澤仲提議主播 潘盈慧 點名問問題增加刺激感，五子回顧香港演唱會嘅難忘時刻，完全被「堅果（粉絲名）」熱情融化！

五堅情將於7月喺澳門舉行演唱會，邱鋒澤預告屆時有新作品帶畀「堅果」，今年係五堅情成團3周年，偉晉經歷過傳統男團SpeXial體驗，反而對五堅情運作模式感到既新鮮又融洽，小賴爆通常邱鋒澤同峻碩比較多意見，二人擔任主導角色，笑言佢哋試過吵大鑊。

五子一向寓工作於娛樂，閒時都係一齊去玩，小賴此行有帶成員探秘香港酒吧，五子喺兩日內去咗10間以上，佢哋更互爆飲醉嘅搞笑事！喺遊戲環節，偉晉崩潰挑戰大冒險，以指定聲線為粉絲錄起床鈴聲，而峻碩與邱鋒澤就要展示撩人壁咚情節。