喺劇集《廉政狙擊》內扮演慈母嘅黎燕珊，淋漓盡至嘅演技整喊唔少觀眾。現實中嘅珊姐，曾經因為愛情而放棄事業，淡出幕前變成相夫教子嘅人妻，可惜婚姻只係維繫咗8年。經歷過一段唔完滿嘅婚姻，珊姐對愛情嘅睇法有冇轉變？曾經喺選美冠軍嘅佢，而家經常要演化老妝、甚至喺鏡頭前要素顏示人，珊姐又係點樣調節自己心態？

呢日珊姐接受節目《星光路上》嘅訪問，同主持 潘盈慧 娓娓道出自己嘅故事，當中佢仲分享失婚後，喺零積蓄下從頭開始嘅經歷。

蔡潔 最近憑TVB熱播劇《一舞傾城》飾演「Monica」成功彈起，日前接受TVB娛樂新聞台節目《星光路上》，與主持 潘盈慧暢 談佢由導演系畢業到嘗試做幕前演出，一步一步走上演藝路！

蔡潔加入邵氏拍第一套劇《飛虎之雷霆極戰》，與黃宗澤及吳卓羲有不少對手戲，佢最難忘就係《拳王》其中一幕要拎隻烏龜搵張振朗，佢坦言驚烏龜拎住已經喊咗出嚟，蔡潔拍《一舞傾城》喺造型上有留意八、九十年代打扮，蔡潔認為入行經歷尚算順利，靠自己獨立生活，今年係佢喺香港發展第10年，佢識咗好多朋友，又遇到好好嘅班底，對自己喜愛嘅行業又熟悉咗。

蔡潔離開屋企人身邊一段時間，目前佢搬咗去一個好啲嘅地方，等家人可以多啲嚟香港住，蔡潔又指結婚冇得plan，佢曾喺30歲好多計劃，後來佢覺得所有事都係順其自然！