5月21號係「音樂情人」鄭子誠60歲大壽,老婆劉倩怡為佢炮製驚喜,精心安排生日飯局,慶祝鄭子誠正式「登六」。
劉倩怡透露早喺個幾月前已開始籌備呢個驚喜,出席好友有張崇德、劉美娟、黃智賢及鄺潔楹(Judy)等,事前一眾好友相當口密,未有走漏半點風聲,令呢個驚喜保持神秘感,劉倩怡更請朋友幫忙將老公鄭子誠有份參演20多部劇集嘅剪出精彩片段,製作咗一條約10分鐘嘅影片,送畀老公作為生日禮物。
鄺潔楹與鄭子誠拍TVB喜劇《新四十二章》而相識,鄺潔楹今日喺社交平台貼出影片及合照,片中見到抱住兩隻愛犬嘅鄭子誠,一見到眾人在場相當驚喜,開心到一時之間畀唔到反應,鄺潔楹留言稱:「對大家來說,可能係音樂情人或者係御用奸人,但對我來說佢係我最鍾意最尊敬嘅前輩,Happy 60, Tsz Shing Gor(子誠哥),而劉美娟就祝好友生日快樂,繼續用你嘅靚聲感動、安慰別人。
「音樂情人」鄭子誠60歲生日 好友黃智賢鄺潔楹驚喜祝賀
/public/article/images/202305/cb99caa0-456f-45be-b180-4d1535d91757.jpg)