2005年不幸患上乳癌嘅資深演員兼主持 溫裕紅 19號離世，終年54歲。同佢一樣係藝人之家成員嘅 韓馬利 回應查詢時，指Esther數年前癌症復發，近月情況轉趨嚴重，最終不敵癌魔病逝，同Esther相識多年嘅 寶珮如 亦喺社交平台悼念故友。

據稱溫裕紅嘅喪禮將喺下月中舉行，之後將奉移火化。

為TVB服務23年；曾主持《都市閒情》長時間、《文化新領域》等節目，又先後拍攝逾90部劇集嘅 溫裕紅 ，近年參與拍攝《七公主》同《食腦喪B》等作品，亦成為佢演藝人生當中嘅告別之作。

當年溫裕紅喺患乳癌後接受化療同大手術，之後身體逐漸好轉康復，亦繼續參與唔同演出，仲以過來人身份同一樣曾患上癌症嘅 林淑敏 互相支持鼓勵成為好友。到2020年溫裕紅逐步引退，有指佢其後歸隱田園生活，亦不時相約友好郊遊行山，可惜近日依然與世長辭息勞歸主。

「子宮內膜癌」是本港常見婦女癌症之一，如發現陰道異常出血，應及早求醫。

臨床腫瘤科醫生李慧妍詳析，年過六十、直系親屬曾確診乳癌、子宮癌或卵巢癌，又或是肥胖等症狀，皆屬此症的「高危一族」。除了控制體重和注意飲食，有何方法能治療與預防子宮內膜癌？