龍婷慈善騷即將舉行 嘉賓彭家麗現身綵排合唱

龍婷 近日正為即將舉行嘅慈善音樂會綵排，呢日嘉賓 彭家麗 亦都現身，同佢一齊Jam歌合唱。曾經喺《中年好聲音》合作嘅佢哋，被指聲線相似，而綵排之後就連佢哋都話自己都分唔清呀。

至於有冇機會再以唔同形式合作，Angela就話已經有海外朋友提出接洽，真係似乎隨時有機會咁喎。早前喺《好聲音》演唱會又唱又跳嘅龍婷，呢日仲笑言自己經過上次已經轉型成為跳唱歌手，話怕大家失望唔跳都唔得喎。

雖然好快就開騷，但係Angela早前先確診Covid康復，不過佢就話好彩聲線完全冇問題，所以完全唔會影響演出呀。