電音女王返嚟喇！今年回歸樂壇嘅Kelly陳慧琳，頭兩首推出嘅歌曲都係舒情慢歌，嚟到第三首全新單曲《談情的價值》，樂迷終於可以再次聽到Kelly嘅電音快歌喇！
陳慧琳推出第三首新歌。新歌MV玩意識流。
今次Kelly新歌，係同暌違多年嘅雷頌德再次合作嘅作品，今次新歌同樣以愛情為主題，但就主張大家要「敢愛敢恨 先有出息」。由於愛情相當抽象，所以今次MV亦以意識流手法去表達愛。
 重點係，今次新歌係 電 音 舞 曲 ！Kelly 喺 MV入面有成 7 個造型 。
Kelly為呢個MV，花咗2日時間共換咗7個造型，佢話：「最難忘嘅一幕係飾演地獄使者，帶領眾生離開愛嘅地獄，dancer們喺愛海入面經歷苦難，為愛情又生又死，然後我好平靜咁撐船離開呢個地獄，呢一幕我都好的好『禪』！」
 
另外，Kelly獲邀擔任音樂串流平本年度5月嘅香港代表，佢嘅相將會於美國時間5月23號，登上位於紐約曼哈頓區嘅時代廣場(Times Square)嘅巨型LED屏幕上！
Kelly登上位於紐約Times Square嘅巨型LED屏幕！

近日正式復出嘅 陳慧琳 作品一浪接一浪，近日就推出第三首全新單曲，再同當年嘅最佳拍檔 雷頌德合作，一齊打造全新快歌《談情的價值》，而最新嘅MV唔止有型，仲登上紐約時代廣場嘅巨型屏幕，認真威水呀。

雖然已為兩子之母，不過Kelly近日復出一樣狀態大勇，今次MV拍攝仲兩日時間換咗多個唔同造型，一樣型到不得了。佢仲話最鍾意就係化身愛之地獄使者，帶領困苦眾生脫逃嘅場面呀。