林嘉欣破格演出SM情節 盡力做到一take過

林嘉欣破格演出SM情節 盡力做到一take過

金馬影后林嘉欣每次拍新戲均有破格演出,今次佢喺《失衡凶間之罪與殺》短篇故事《闇室》,首度挑戰SM情節,為咗演出逼真,事前林嘉欣好細心聽指示,因對手頭部要笠膠袋,又被皮帶箍頸,林嘉欣希望盡力做到一take過,唔想對手太辛苦!

電影泉攻略|賈玲笑言拍新片唔到人親自演出 為自己成功瘦身操肌驕傲丨EP95

王鎮泉 Jeoffrey 每星期為你提供最熱辣電影資訊,中外猛片專訪花絮上映時間全部集齊。「電影泉攻略」每周四買定爆谷陪你睇新戲。

電影《熱辣滾燙》喺內地直逼40億人民幣票房,成為內地賀歲賣座No1,泉叔 早前就同 女主角兼導演 賈玲 做咗個訪問。 賈玲上一部自導自演嘅電影《你好,李焕英》係拍嚟獻畀媽媽,至於今次呢部作品,佢就話希望大家睇完之後會學識愛自己。

為咗戲中角色,賈玲先增肥再邊拍邊減,問到點解會決定親身演出呢個角色?賈玲笑言因為搵唔到其他人演:「因為這個角色其實挑戰特別大,我決定自己來出演,是因為我自己的形象比較接近這個人物。」佢仲自爆自己以前體重有成170斤,後來更增磅至最重時有210斤,賈玲話自己增磅嘅原因,係自己係觀眾心目中普遍比較受人喜歡,但今次演嘅角色係較沉重同壓抑,所以先決定增磅嚟改變觀眾嘅感覺。

戲中有一場瘦身後嘅賈玲練出腹肌,當時佢更加忍唔住落淚,賈玲解釋當下係為自己感到驕傲而落下嘅驕傲淚水,佢仲話當時自己要返休息室平伏心情,但因為驚喊花個妝而耽誤拍攝進度,所以連喊都要低頭唔畀淚水劃過塊面呀!

 相關推薦

熱門搜尋