溫碧霞分享初中純情初戀回憶 新片最難揀係選少女版角色

溫碧霞身兼出品人、監製及演員嘅電影即將上映,呢部以少女成長為題材嘅作品,加入其自身經歷,溫碧霞呢日出席電台宣傳活動時,分享初中時期純情初戀回憶,溫碧霞曾因父親太嚴厲而變得叛逆!

溫碧霞籌備新片時,佢覺得最難係選角,今次溫碧霞及林婷於戲中分別飾演主角「Elaine」嘅成年版及少女版,原來溫碧霞經過多次面試都搵唔到合適嘅「少女版Elaine」,直至朋友介紹下,一見到林婷即覺得「就係佢」,究竟係咩感覺,令溫碧霞認定佢就係「少女版Elaine」呢!?

溫碧霞新片由籌備至完成歷時5年 自揭父母管得越嚴越叛逆

溫碧霞喺演藝事業上不斷尋求突破,更成立電影工作室開拍新戲,佢喺疫情之下,一人身兼三職,同時擔任出品人、監製同演員,溫碧霞凡事追求完美,今次仲為主演電影獻唱主題曲,呢日佢分享新歌內容!

溫碧霞首次執導自己嘅MV,呢齣戲由傾劇本到即將上映,溫碧霞差唔多花咗5年時間準備,見到電影終於上映,笑指好似見到「BB」出世咁,今次電影以溫碧霞成長為藍本,溫碧霞回想童年家境好窮,細個回憶好難忘,自言因父母管得太嚴,令佢性格反叛,一度離家出走,結果意外被星探發現,拍咗人生第一齣電影。

 相關推薦