寶珮如讚溫裕紅係生命鬥士 故友腹腔長惡性腫瘤積極治療

寶珮如讚溫裕紅係生命鬥士 故友腹腔長惡性腫瘤積極治療

寶珮如、阮政峰及「奶仔」方紹聰呢日出席有份參演嘅電影《世上只有爸爸好》宣傳記招,寶珮如好友溫裕紅日前病逝,寶珮如讚故友係一個生命鬥士。

寶珮如指溫裕紅有一個惡性腫瘤喺腹腔裡面,樂觀接受多次手術,積極對抗疾病,直至近排病情反覆,整個人變得消瘦,寶珮如一直用心去支持好友;智叔遺作《世上只有爸爸好》,阮政峰榮幸有機會跟前輩廖啟智合作,令佢明白演戲上實力差距好大,知道智叔一直用心引渡佢學習喺演技嘅成長!

李龍基返港急赴懲教所探監 老淚兩落承諾迎娶澄清物業傳聞

學歷同專業資格受盡網友質疑嘅 李龍基 36歲未婚妻 王青霞 ,日前涉嫌逾期居留同使用虛假文書等6項罪名,被當局扣查20號提堂,裁判官即時拒絕保釋申請還押看管。

李龍基 星期三由內地公幹返港,一臉肅穆步出高鐵站,唔止招牌粉紅瀏海消失,更係一面愁容強忍眼淚,亦簡短回應傳媒提問,更指若未有香港身份嘅未婚妻被當局遣返,亦唯有接受現實,更指完全冇諗過事件會發展到咁嘅結果。

之後基哥自行驅車趕往懲教所核實身份,不過等候辦理手續期間就再次當眾落淚,而正式探望後情緒轉趨冷靜嘅佢,再次受訪時就指見面時雙方都非常激動,再直指答應對方一定會迎娶過門,叫Chris唔使擔心。

基哥對外界認為未婚妻係因為錢同物業而接近自己,佢就當天發誓,稱對方未曾於自己身上「搵過一個斗零」,仲話如果有發現蛛絲馬跡的話自己一早已經斬斷情絲。基哥話未婚妻見面時向自己道歉,自己亦希望對方受到今次教訓後「重新做好人」。

雖然早前網上連環爆料指Chris於外地有騙婚之嫌,又指名下7個物業都已送贈對方,不過呢日被嘲「提款基」嘅基哥就澄清,指物業早於上一段婚姻結束時已贈與前妻「淨身出戶」,並非外界所傳與過戶予Chris。

 相關推薦

熱門搜尋