超級毛特兒大賽12強誕生｜4大美女狗主入圍同場公布成績最好8位預備生

J2自家製旗艦綜藝、由向海嵐（Anne）、周奕瑋（Jarvis）及黃嘉雯（Carmaney）主持嘅《超級毛特兒大賽》，逢周一至周五晚10點半J2（82台）播出。噚晚（25日）播出呢集，12 強正式誕生，同場公布「成績表現最好八位預備生」，分別係「最有明星相」兼與主人Phimii 髮色都襯到絕嘅Goocha；與主人Kevin天生父子相嘅Sumo；遇到主人「瘦削版馬德鐘」阿 Ken會由兇狠變溫馴嘅「最具反差萌」梳打；擁有「最甜美笑容」嘅毛毛；與主人Sharon獲封「高貴之選」嘅Silly；全場唯一「懂得微笑」嘅薯餅；「最年長小狗」Jammy及「擁有治癒笑容」嘅炭治郎；其餘入圍狗狗還有Bubu、Maid Maid、Gary 及 Shelby。

超毛 12 強誕生。

12強當中，型男美女組合多不勝數，其中早前顏值備受網民關注嘅四大美女狗主均入圍，包括「空姐明禎」Miho、模特兒 Sharon、OL Sasa 及繪畫老師Phimii，當中以Sharon ＋Silly 最吸睛，除咗獲主持向海嵐大讚高貴，又被指拍出來嘅官方照儼如電影海報及專業廣告般漂亮吸引。男狗主方面，則以阿Ken＋梳打最有默契，狗狗及主人均具有極大反差萌，梳打一見到主人便會流露出平時難得一見的溫柔面，阿Ken則因過份關注梳打而遭狠批拖累愛犬。同樣值得關注嘅男狗主，還有與薯餅合拍度甚高嘅Jimmy，以及對Jammy照顧無微不至嘅「詼諧版張學友」阿偉。

Goocha（9 個月男意大利靈緹犬）/主人 Phimii Sumo（2 歲半男法國鬥牛㹴）/主人 Kevin 毛毛（7 歲男鬆獅犬）/主人 Sarah 梳打（1 歲 1 個月男唐犬）/主人 Ken「瘦削版馬德鐘」

四位被Foul嘅預備生中，以Jacqueline與混種愛犬圓圓互動最感人，雖然圓圓本身無論外表或表現均不突出，但每當主人陪喺身邊，圓圓會爆Seed「忽然醒神」，令三位主持嘖嘖稱奇，Carmaney更忍唔住落下感動嘅淚水︰「反而想讚吓你（Jacqueline），因為你平時可能內向啲、未必夠膽參賽，但你踏出咗呢一步帶住圓圓嚟到呢度，因為圓圓踏出舒適圈，呢份感情好難得。」Jacqueline爆喊回應：「我都冇預期過佢入圍，始終佢作為混種狗，外表唔係話好討喜，今日結果係點，我哋都會好開心同接受。」今晚（26 日）12 強將喺瑜伽導師兼能量治療師李怡（野人）及其愛犬助教Bilu帶領下，進行Doga（狗瑜伽）體驗；年屆16歲嘅Jammy 熱身期間忽然小便，要Jarvis出手幫忙「善後」，相當有愛。各人分成6組正式PK期間，除咗 Miss Ho與阿Miu先後展示驚人柔軟度夠吸睛，Sharon＋Silly上演搞笑「人狗拔河」亦甚有睇頭，密切留意！

Silly（2 歲女金毛尋回犬）/主人 Sharon 薯餅（2 歲半男臘腸犬）/主人 Jimmy Jammy（16 歲女芝娃娃）/主人阿偉「詼諧版張學友」炭治郎（1 歲 5 個月男柴犬）/主人 Miss Ho Bubu（3 歲女摩天使）/主人 Sasa Maid Maid（8 歲女貴婦犬）/主人 Miho「空姐明禎」 Gary（9 歲男比熊犬）/主人 Miu Shelby（1 歲 10 個月女拉布拉多犬）/主人表弟

左起：主持黃嘉雯（Carmaney）、周奕瑋（Jarvis）及向海嵐（Anne）、動物行為訓練師 Garay、造型照攝影師 Tom 落選預備生 Jacqueline＋混種愛犬圓圓的真摯互動。 Carmaney 流下感動的眼淚。野人同愛犬 Bilu 齊齊擔任 Doga 導師。 Miu（右 2）擁有 4 個瑜伽牌，一來就向難度挑戰。 Sharon 與愛犬 Silly 將瑜伽演變成拔河，到底係點做到。 16 歲的 Jammy 行行吓忍不住尿尿。 Jarvis 即伸出援手幫忙清潔。