由馬時亨主持嘅訪談式綜藝節目《馬時亨 香港情》，今晚（27號）翡翠台播出第六集，主題係「音樂情懷」。 馬時亨是集邀來縱橫樂壇半世紀嘅譚詠麟（校長）擔任嘉賓，仲請咗有「民歌王子」 之稱嘅區瑞強（Albert）擔任客席主持。
馬時亨到底引唔引到校長喺節目入面清唱經典歌曲呢？

有豐富電台節目主持經驗嘅Albert，對譚校長多年來嘅「音樂旅程」相當熟悉，共同話題甚多；校長透露當年曾獲Albert封為 「走鋼線歌手」，二人大談箇中原因之餘，Albert爆出校長經典金曲《幻影》，當年並非唱片公司主打歌曲，反而係因有DJ、包括Albert自己當年喺戲院睇完電影後被呢首歌深深打動，故各自自發喺電台播放歌曲，並笑言因「品味」 問題吸引其他 DJ跟住播。

今集嘉賓係譚詠麟。客席主持係區瑞強。

Albert憶述當年睇戲時首次聽到《幻影》嘅情況： 「我哋睇完套戲，出緊Roller時播緊呢隻歌，嘩！真係深受感動，全場觀眾靜晒唔走，換轉平時已經走晒。」校長開咗接近200場紅館演唱會、自言推出歌曲超過1,000首嘅校長，閒談間遭馬時亨突如其來一句「咁多隻歌，你有幾多隻記得歌詞？」殺個措手不及，並笑不攏嘴憶述當年開演唱會各式各樣「出貓」大法：「寫地下呀、地氈呀、基本上成個舞台都係（歌詞），仲要寫埋邊隻歌到邊隻歌。」校長笑言當年曾因搞亂唱歌次序，引發起歌危機，一度全場「靜晒」！

校長同 Albert 老友鬼鬼，二人無所不談之餘，更一再話當年，觀眾們耳仔有福了。《幻影》當年爆紅原來有段故。

Albert聞言大爆校長當年開演唱會前，曾捉住佢瘋狂打桌球，原因除咗紓壓，更係為咗「記牢歌詞」，到底校長點樣以桌球幫助記憶？敬請留意節目。 無所不談嘅校長，續指當年全靠一首歌奠定「情歌」為其主要音樂路線，豈料當校長揭曉係邊一首歌曲時，馬時亨竟然一臉錯愕表示冇聽過，更逼令校長清唱兩句以示「確認」，到底校長會唔會就範？校長亦暢談當年與好友張國榮喺東京音樂節嘅趣事、94年喺香港大球場舉行「細細聲演唱會」風波、及當年如何最後一 刻才告訴身邊人決定退出頒獎禮細節，萬勿錯過！

校長喺節目中會分享珍貴報導同照片。譚詠麟與欣宜相處幾有趣！經常忘記歌詞係校長特色之一。校長開創咗演唱會四面台先河。到底打桌球備戰演唱會係咩玩法呢？敬請留意節目。

《馬時亨 香港情》周六晚9點翡翠台播映

星期六晚播出嘅一集《馬時亨 香港情》主題係「音樂情懷」，除咗邀請縱橫樂壇半世紀嘅 譚詠麟 擔任嘉賓，還加埋有「民歌王子」之稱嘅 區瑞強 擔任客席主持。被稱為樂壇校長嘅阿倫，節目中勸勉後輩「千祈唔好怕蝕底，能夠喺台度亮一亮相都係好」，隨即被Albert大爆當年 紅透半邊天嘅校長，連《香港早晨》錄影都唔放過，Albert話：「之前許冠傑係好難訪問到佢，佢直頭唔上電視。但校長啱啱調轉，咩節目都去，下午茶又去，最離譜係《香港早晨》！」

區瑞強爆譚校長當年為爭取宣傳，任何機會都會答應

校長笑稱：「好記得要(清晨)四點幾入去化妝準備。」仲話只要亮相節目可以幫到幕後人員，都樂意抽空配合，Albert亦大讚校長： 「所謂形象唔係報紙講點點點就係，係要真實人哋親身經歷過，先會覺得：『你真係ok喎』。」

校長又憶述當年同好友張國榮出席「東京音樂節」時，因撞衫引發笑話，自己因而情急智生「爆肚」化解危機，校長話：「我哋一到埗有個記招，咁我同Leslie一出𨋢，我哋成件粉紅色嘅外套係一模一樣，衫褲又同一Set顏色， 我哋自己都係咁喺度笑。但當時有記者嘛，我就即刻攬住Leslie話『We are Hong Kong team』。」

見慣大場面嘅校長，又提到1994年嘅「大球場細細聲演唱會」風波：「之前有啲外國歌手嚟演出已經引發好多投訴，所以我場演唱會係備受矚目，臨演出前嗰個禮拜不斷有消息話『唔畀唱、唔畀開』。嗰時我每日出街，都係要面對超過三百個中外記者，係國際新聞嚟。」校長續指為解決噪音問題，當年專誠添置了價值近二千萬的器材，但仍為現場很多樂迷大部分時間 基本上聽不到任何音樂感到歉意，校長謂：「嗰三晚觀眾係坐滿，佢哋完全冇投訴，仲要自得其樂咁喺度買嘢食、買嘢飲，我真係好感動。」