台灣男演員禾浩辰高大帥氣，加上有做開健身嘅關係，練得一身肌肉，迷倒唔少女生。早前佢應邀同温昇豪、邱凱偉上小S徐熙娣主持嘅節目時，就被小S靈魂拷問有冇試過一夜情？點知禾浩辰完全唔含糊，直接舉起兩隻手指承認自己試過兩次一夜情，令在場眾人瞬即起哄！
禾浩辰直接承認曾試過一夜情，仲要係兩次！
喺節目入面，大家本身講緊男人聚會時會講啲咩話題、飲咗酒又係咪會講真話時，小S突然問禾浩辰之前封旅行時有冇試過有豔遇發生一夜情？點知禾浩辰喺無飲酒、完全清醒嘅情況下仍然講真話，佢舉起兩隻手指話：「兩次，都不同的人。」講完全場𣊬即起哄，而小S就安慰喺鏡頭後、禾浩辰嘅經理人，話而家已經係21世界喇，講真話唔使擔心。
禾浩辰個body勁fit。
之後禾浩辰再繼續分享自己嘅艷遇，佢話嗰陣去菲律賓長灘島旅遊，而當時自己知body係練到最精壯嘅時間，加上染咗一頭灰髮，所以睇起嚟好似韓國男團成員。禾浩辰話遇到嘅女仔都好主動，甚至當時佢已經同緊人傾偈，但對佢有意思嘅韓國女遊客完全無視，直接伸手將禾浩辰拉走，相當主動！
有人話佢似韓國男團成員。
禾浩辰話由於當時佢哋喺月光下散步，隨住浪漫嘅氣氛升溫，兩個人就成事喇，之後禾浩辰仲畀貼士想有艷遇嘅人，話長灘島係個唔錯嘅選擇呀！

觀眾留言讚佢夠誠實同可愛。觀眾留言讚佢夠誠實同可愛。

由王晶擔任製作人、鍾少雄監製的《一舞傾城》，昨晚（29日）一集，上演激情戲碼，暗戀Monica（蔡潔飾）的志飛（楊明飾），在Michelle（姚子羚飾）推波助瀾下成功約會Monica，二人意亂情迷下發生一夜情；惟Monica事後對志飛有所避忌，似是未能走出失戀陰霾。

蔡潔、楊明於這場近一分鐘的親熱戲終於登場，兩人化身人肉風火輪轉住嚟嘴，由門外咀到上床，相當肉緊。講到這場戲，楊明受訪時說：「其實都冇乜尷尬，因為大家都入咗行咁耐都明白拍戲係咁，蔡潔好專業，而我亦都有呢類戲嘅經驗，大家都溝通好晒。事前都試咗幾次位，務求用最少Take數完成呢場戲。」

問到事前有否向女友莊思明備案？楊明笑言：「都唔使備案，因為思明有份拍呢套劇，劇本佢睇到晒，佢知道有呢場戲，但都會同佢講聲邊日會拍呢場。最好係另一半都係演員，佢會明白係咩一回事。」

講到劇中有除衫晒肌畫面，楊明坦言事前做足準備：「因為唔想肥騰騰咁，所以拍攝前都有做掌上壓、引體上升泵脹啲肌肉，有聽前輩分享話拍之前要收水，希望啲肌肉唔好咁鬆散。但掌上壓又唔可以做得太多，因為驚做得太多之後啲動作唔夠力做！」