資深填詞人鄭國江四場作品展正式開鑼,入行超過50年嘅鄭老師,經典作品無數,頭先有譚詠麟、區瑞強、李思捷、李龍基及葉振棠等擔任嘉賓,劉松仁同李佳等亦現身撐場。譚詠麟一連獻唱多首金曲《誰可改變》及《小風波》等,區瑞強由出道以來唱過唔少鄭老師嘅作品,好多謝鄭老師當年寫咗《陌上歸人》畀佢唱;鄭國江向一眾嘉賓致謝,更預告即將現身嘅歌手名單!